३ महिना अघि
२0८१ जेष्ठ २१ सोमबार
वैशाख २४
साकेला, जेठ २१
खोटाङको साकेलाले गाउँमा हुने झैझगडालाई आपसी सहजीकरण गर्दै मेलमिलाप गराउने उदेश्यले मेलमिलाप सम्बन्धी साताव्यापी तालिम सम्पन्न गरेको छ । देवानी प्रकृतिका विवाद सहजीकरण गर्दै संवादको माध्यमबाट जीत–जीतको अवस्थामा पु¥याउने गरी विवाद समाधान गर्ने सीपको विकास गर्न ८ दिवसीय ४८ घण्टे आधारभूत तालिम आयोजना गरिएको हो ।
गाउँपालिकास्थित न्यायिक समितिको आयोजनामा गत जेष्ठ १३ गतेदेखि सञ्चालि तालिम गाउँपालिका अध्यक्ष रविप्रकाश राईको प्रमुख आथित्यमा सम्पन्न भएको हो । संविधानले व्यवस्था गरेको हरेक स्थानीयतहमा गठित न्यायिक समितिले स–साना झै झगडा र लामो समयदेखि समाधान हुन नसकेका विवादहरु हाल स्थानीयस्तरमै मेलमिलाप गरिदै आएको छ । मेलमिलापको माध्यमबाट समाधान गरेर समाजमा सकारात्मक सन्देश दिने गरेको अध्यक्ष राईले बताएका छन् ।
स्थानीयतहमा हल हुन नसकेका जटिल प्रकृतिका मुद्घाहरु निरुपणका लागि सम्बन्धित निकायसँग समन्वय गरी फस्र्यौट गर्ने गरिएको छ । गाउँपालिका उपाध्यक्ष तथा न्यायिक समिति संयोजक बिर्सिका राईका अनुसार न्यायिक समिति र प्रत्येक वडावडामा मेलमिलाप समिति गठन गरेर गाउँघरमा हुने समस्या समाधान गर्ने गरेको बताईन् ।
तालिम समापन कार्यक्रममा अध्यक्ष राईले सहभागिहरुले सिकेको कुरा व्यवहारमा उतारेर गाउँ समाजमा हुने झैझगडा र द्वन्द्व न्यूनिकरण गर्न सुझाए । तालिमले गाउँगाउँमा खट्ने सहजकर्ताहरुले गाउँ समाजमा शान्ति कायम गर्न सहयोग पु¥याउने कुरामा विश्वस्त रहेको अध्यक्ष राईको अपेक्षा थियो ।
तालिममा विवाद द्वन्दको अवधारणा र विस्तार, विवाद समाधानका उपाहरु, आधारभूत बैकल्पिक, विवाद समाधानमा मेलमिलाप पद्घतिको प्रयोग, अन्तर्राष्ट्रिय सन्दर्भमा मेलमिलाप पद्घतिको प्रयोग, मेलमिलाप सम्बन्धी नेपालमा प्रचलित कानुनी व्यवस्थालगायत विषयमा सहजकर्ताहरुले जानकारी गराएका थिए ।
गाउँपालिकाका हरेक वडाका ३–३ जना मेलमिलापकर्ताको साथमा वडाध्यक्ष र वडा सचिवको सहभागी रहेको तालिममा मानवअधिकार मञ्च नेपाल इलामका गायत्री थेगिम र याम माबोहाङ लिम्वुले सहजीकरण गरेका थिए ।
