६ महिना अघि
२0८१ बैशाख २३ आईतवार
उदयपुर, वैशाख २३
कटारी नगरपालिका ११ को ठाँटी भञ्ज्याङमा स्काभेटर पल्टेपछि सिद्धिचरण लोकमार्ग अवरुद्ध हुन पुगेको छ । सिराहा र उदयपुरदेखि माथिल्लो सगरमाथाको ओखलढुङ्गा, सोलुखुम्बु जोड्ने लोकमार्गको ठाँटीमा आईतबार विहान ७ः०० बजे जस्तो समयमा स्काभेटर पल्टेर सडक अवरुद्ध भएको हो ।
कटारीदेखि घुर्मीतर्फ ट्रकमा राखेर लादै गरेको स्काभेटर उकालोमा खसेर बीच सडकमा पल्टिएको स्थानीय कुमार प्याकुरेलले बताए । स्काभेटर बोकेर जाँदै गरेको ना १ क ७३२३ नं. को मालबाहक ट्रक उकालोमा चढ्न नसकेर असन्तुलन हुन पुगेपछि स्काभेटर खसेर बीच सडकमा पल्ट पुगेको प्याकुरेलले बताए ।
सोही खण्डको सडक मर्मत गर्न घुर्मीतर्फ स्काभेटर लादै गर्दा घुटना भएको चालक सुशील राज खत्रीलाई उद्धृत गर्दै प्याकुरेलले बताए । खत्री भने सकुशल रहेका छन् । सडक सुचारु गर्न स्काभेटर उठाउनुपर्ने भएकाले अर्को स्काभेट मगाइएको छ । ् स्काभेटर खसेपछि विहानदेखि सिराहा र कटारी हुँदै घुर्मी, ओखलढुङ्गातर्फ जाने र त्यताबाट यता आउने सयौँ सवारी साधन सडकमा जाममा परेका छन् ।
दुईतिर भिरालो छाँगा र बीचमा सानो गोरेटो रहेको भञ्ज्याङ भएर निर्माण गरिएको सडकको ठाँटीमा यस्ता सवारी दुर्घटना पटकपटक हुँदै आएको छ । दुवैतर्फ ‘रिटेनिङ वाल’ लगाएर ६ मिटर फराकिलो सडक बनाइएको भए पनि भञ्ज्याङ आउजाउ गर्दा उकालो र ओरालोमा सवारी साधन चिप्लेर दुर्घटनामा पर्ने गरेका छन् ।
