७ महिना अघि
२0८१ बैशाख ३ सोमबार
उदयपुर, वैशाख ३
साथीमाथि आक्रमण भएपछि छुट्याउन गएका खोटाङका एक युवाको हत्या भएको छ । दिक्तेल रुपाकोट मझुवागढी नगरपालिका ११ खार्मीका भीम बस्नेतमाथि कुटपिट भएको खवर पाएर छुट्याउन गएका सोही ठाउँका धनजित राईको छुरा प्रहारबाट हत्या भएको हो ।
वैशाख १ गते नयाँ वर्षको राति ८ः०० बजेको समयमा ३० वर्षीय बस्नेतमाथि कुटपिट भयो । बस्नतेलाई बचाउन श्रीमतिले हारगुहार गर्दे गाउँलेलाई बोलाएपछि धनजित झगडा मिलाउन भनेर घट्नास्थल पुगे । तर, उनीमाथि नै निर्मम छुरा प्रहार भएपछि बेहोस् भई ढले ।
घट्नापछि आक्रमणकारीहरु भागे पनि धनजितको घट्नास्थलमै ज्यान गएको प्रहरीले जनाएको छ । जिल्ला प्रहरी कार्याल प्रमुख डिएसपी पुरुषोत्तम खड्काले हत्यामा संलग्न भएको आरोपमा स्थानीय ३ युवालाई सोमबार विहान पक्राउ गरिएको बताए । पक्राउ पर्नेमा दिक्तेल रुपाकोट मझुवागढी नगरपालिका ११ कै २२ वर्षीय विकास राई, २० वर्षीय आसन राई र २८ वर्षीय गणेश राई रहेका छन् ।
उनीहरुलाई जिल्ला प्रहरी र नजिकको प्रहरी चौकीको संयुक्त टोलीले खोज तलास गर्ने क्रममा दिक्तेल रुपाकोट मझुवागढी १० मै लुकिछिपी बसेको अवस्थामा फेला पारी पक्राउ गरिएको हो ।
हत्या आरोपमा पक्राउ परेका तीनै जनालाई जिल्ला प्रहरी कार्यालयको हिरासतमा राखेर थप अनुसन्धान सुरु भएको प्रहरीले जनाएको छ ।
