८ महिना अघि
२0८0 फाल्गुन २८ सोमबार
उदयपुर,फागुन २८
सोमबार विहान यहाॅ भएको मोटरसाइकल दुर्घटनाबाट एक युवाको निधन भएको छ । मदन भण्डारी लोकमार्गको गाईघाट-कटारी खण्ड त्रियुगा नगरपालिका ७ होक्सेमा बससॅग ठक्कर खाॅदा २४ वर्षीय प्रगित राईको निधन भएको हो ।
प्परहरीका अनुसार पश्चिमबाट पुर्वतर्फ आउदै गरेको स १ ख ८१६ नं. को बसले बिपरित दिशाबाट जादै गरेको प्र १-०१-०१६ प ४६७ नंवरको मोटरसाइकल एकापसमा ठक्कर खाई दुर्घटना भएको थियो । दुर्घटनामा परी ईलाम सुर्योदय नगरपालिका ३ का राई गम्भीर घाईते भएका थिए ।
टाउको र शरिरिरको बिभिन्न भागमा चोट लागी बेहोस भएका उनलाई तत्काल प्रहरी टोलीले उद्दार गरी उपचारका लागि जिल्ला अस्पताल उदयपुर ल्याएको थियो । उपचारको क्रममा राईको निधन भएको प्रहरीले जनाएको छ ।
बस र बस चालक उदयपुरगढी गाउँपालिका ०६ का ३० वर्षीय नारायण सुनुवारलाई नियन्त्रणमा लिई अनुसन्धान कार्य भईरहेको जिल्ला प्रहरी कार्यालय उदयपुरका प्रवक्ता डिएसपी हरिनन्दन चौधरीले बताएका छन् ।
