१
२0८0 फाल्गुन १0 बिहीबार
उदयपुर, फागुन १०
जिल्ला प्रहरी कार्याल उदयपुरले एकैदिन आधा दर्जन फरार अभियुक्तलाई पक्राउ गरेको छ । जिल्ला अदालत उदयपुुरको फैसला अनुसार जुवा खेलेको अभियोगमा दोषी करार भए पनि फरार रहँदै आएका ६ जना प्रतिबादीलाई पक्राउ गरेको हो ।
प्रहरीका अनुसार जिल्ला अदालत उदयपुरको गत ०७० चैत १६ गतेको पैसला अनुसार जुवा मुद्दामा उनीहरुलाई बुधबार पक्राउ गरेको हो । पक्राउ पर्नेमा त्रियुगा नगरपालिका ३ मोतिगडका ५० वर्षीय मानबहादुर ठकुरी, सोहीठाउँका ८१ वर्षीय होमबहादुर ज्यूठकुरी ५९ वर्षीय नेत्रबहादुर सिंहठकुरी, ७५ वर्षीय प्रेमबहादुर राउत, वर्ष ४५ का विन्द भन्ने छविबहादुर रास्कोटी र सोही ठेगानाका ४० वर्षीय बद्रीनारायण थापा रहेका छन् ।
उनीहरुलाई जनही ५० देखि ३ सय रुपैँयासम्म जरिबानाको फैसला सुनाइएको छ । पक्राउ सबैलाई बुधबारै जिल्ज्ला अदालत बुझाइएकोमा अदालतले तोकिएको जरिवाना लिएर छाडिसकेको जिल्ला प्रहरी कार्यालय उदयपुरले जनाएको छ ।
