९ महिना अघि
२0८0 माघ २७ शनिबार
बिन्द्र राई/ माझखर्क
उदयपुर, माघ २७
उदयपुरमा सम्पन्न दोस्रो वडाअध्यक्ष फूटबल गोल्डकपको उपाधी दुधौली फूटबल समूहले हात पारेको छ । १६ गते सुरु भई शनिबार सम्पन्न प्रतियोगितामा तालतलैयालाई हराउँदै दुधौली समूह विजयी भएको हो ।
निर्धारित समयावधि दुवैपक्षबाट गोलरहित सकिएपछि टाईब्रेकरमा नतिजा निकाल्नु पर्दा दुधौलीले ट्रफि चुम्न सफल भएको छ । टाईब्रेकरमा दुधौली फूटबल समूह सिन्धुलीले ४-२ को गोल अन्तरले तालतलैया फूटबल समूह सुनसरीलाई पराजित गरेको छ । प्रतियोयोगिता बिजेता समूहलाई त्रियुगा नगर उपमेयर महेश्वरी राई र वडाध्यक्ष किरण पाण्डेलगायतले १लाख १ हजार १ सय ११ रुपैँयासहित ट्रफि प्रदान गरे । द्वितीय हुने समूहलाई ५१ हजार १ सय ११ नगदसहित क्रमश मेडल र तक्मा प्रमाणपत्र प्रदान गरे ।
वडा युवा तथा खेलकुद विकास समितिको आयोजना तथा फ्यूजन समूहको समन्वय र त्रियुगा नगरपालिकालगायत विभिन्न संघ सस्थाको सहयोगमा सम्पन्न प्रतियोगितामा विधागत पुरस्कार पनि प्रदान गरिएको थियो ।
