८ महिना अघि
२0८0 माघ ३ बुधबार
बिन्द्र राई/ माझखर्क
उदयपुर, माघ ३
उदयपुरमा बन सम्बन्धी कसुर लागेका एक जना फरार प्रतिवादी पक्राउ परेका छन् । अस्थायी प्रहरी पोस्ट त्रियुगा नगरपालिका-४ बगाहाबाट खटिएका प्रहरी टोलीले बन सम्बन्धी कसुर लागेका एक जना फरार प्रतिवादीलाई बुधबार पक्राउ गरिएको जिल्ला प्रहरी कार्यालय उदयपुरले जनाएको छ ।
पक्राउ पर्नेमा त्रियुगा नगरपालिका -३ बस्ने बर्ष २८ को मिथुन सदा रहेको प्रहरीले जनाएको छ । जिल्ला अदालत उदयपुरले बन सम्बन्धी कसुरमा सदालाई तीन महिना कैद र नगद दुई हजार रुपैयाँ जरिवाना तोकेको थियो । उनलाई फैसलाको लागि अदालतसमक्ष बुझाईएको जिल्ला प्रहरी कार्यालय उदयपुरले जनाएको छ ।
