१0 महिना अघि
२0८0 पुष २0 शुक्रबार
बिन्द्र राई/ मध्यान्ह
उदयपुर,पुस २०
उदयपुरमा बन मुद्दाको दुई जना फरार प्रतिवादी पक्राउ परेका छन् । जिल्ला प्रहरी कार्यालयबाट खटिएका प्रहरी टोलीले बिहीवार बन मुद्दामा फरार रहेका दुई जना प्रतिवादी पक्राउ गरिएको जिल्ला प्रहरी कार्यालय उदयपुरले जनाएको छ ।
पक्राउ पर्नेहरूमा त्रियुगा नगरपालिका-६ मोहनपुर बस्ने बर्ष ३४ को कुमार बिक र सोही ठाउँ बस्ने बर्ष ३८ को सागर सदा रहेको प्रहरीले जनाएको छ । जिल्ला अदालत उदयपुरले बिकलाई १० दिन कैद र ११ हजार ५ शय ७२ तथा सदालाई एक महिना कैद भुक्तानीका साथै ११ हजार ५ शय ७२ रुपैयाँ जरिवाना तोकिएको थियो ।
पक्राउ परेका उनीहरुलाई अदालत समक्ष बुझाईएको जिल्ला प्रहरी कार्यालय उदयपुरले जनाएको छ ।
