१0 महिना अघि
२0८0 पुष १९ बिहीबार
सिरिसे, पुस १९
नेकपा (माओबादी केन्द्र)का सचिव तथा पूर्व कृषिमन्त्री चक्रपाणी खनाल (बलदेव)ले आगामी चुनावमा माओबादीले कसैसँग गठबन्धन नगर्ने बताएका छन् । बिहीबार कटारीमा आयोजित पार्टीको ४ महिने नगरस्तरीय रुपान्तरण अभियानको समापन गर्दै सचिव खनालले अवको चुनावमा एक्लै लड्न सक्ने हैसियत बनेको बताए ।
१ नं. प्रदेश इन्चार्जसमेत रहेका खनालले रुपान्तरण अभियानले माओबादी पार्टी सशक्त, मजबुत र संगठित भएको भन्दै अव आउने चुनावमा माओबादी कसैसँग गठबन्धन नगरी एक्लै जित्न सक्ने अवस्थामा पुगेको बताए । यो अभियान पार्टी नेता कार्यकर्तादेखि जनतासम्म संगठितट, सशक्त र सक्षम बनेको भन्दै उनले अव कसैको सहयोगविनै बहुमत प्राप्त गरेर सरकार गठन गर्ने हैसियतमा पुगेको बताए ।
सचिव खनालले भ्रष्टाचारीलाई कारबाही गर्ने कुरामा सरकार नडराई अघि बढ्न सुझाउँदै त्यसमा सहयोग गर्न गठबन्धन दलहरु अझ मजबुत भएर लाग््नुपर्ने बताए । भ्रष्टाचारीलाई कारबाही गर्ने सवालमा अहिलेसम्म कुनै सरकार नलागेको तर, गठबन्धन सरकारले थालेको कामलाई थप सशक्त बनाउनुपर्नेमा जोड दिए ।
कार्यक्रममा पार्टी १ नं. प्रदेश अध्यक्ष हर्कबहादुर नेम्बाङ (मिक्सो)ले माओबादी पाटीि जहिल्यौ जनताको रक्षाका लागि लाग्दै आएको बताए । संघीयता, लोकतन्त्र र जनजीवनका कुरा माओबादीले ल्याएको एजेण्डा भएकाले त्यसको रक्षा र सुधारका लागि पार्टी नेता कार्यकर्ताहरु सबै लागी पर्न आग्रह गरे ।
पार्टी गाउँ नेता इन्द्रबहादुर थापाको अध्यक्षतामा कटारी नगरपालिका ८ सिरिसेमा सम्पन्न कार्यक्रममा पार्टी केन्द्रीय सदस्य केपी बराल, जिल्ला समन्वय कमिटी संयोजक बिनोद कटुवा (दिवस), कटारी नगर कमिटी अध्यक्ष मणिराज दाहाललगायतले पनि बोलेका थिए । उनीहरुले रुपान्तरण अभियानले पार्टी नेता कार्यकर्ता र जनतालाई अभूतपूर्व उर्जा थपेको भन्दै यस्तो अभियान निरन्तर चलाउनुपर्ने माग गरेका थिए ।
सचिव खनालले गठबन्धन सरकारले अहिलेसम्मको इतिहासमा कसैले नगरेको भ्रष्टाचारीलाई कारबाही थालेको बताए । देश र जनताले दुःख पाउनुको मुख्य कारण भ्रष्टाचार नै भएको ठोकुवा गर्दै उनले त्यसको न्यूनिकरण र अन्त्यका यो सरकार निरन्तर लागिरहनुपर्नेमा जोड दिए ।
भ्रष्टाचारका फाईल एकपछि अर्को खुल्दै गएपछि भ्रष्टाचारका नाईकेहरु आत्तिन थालेको र सरकाबिरुद्ध बिभिन्न अफवाह फैलाउन थालेको भन्दै त्यस्तो अफवाहको पछि नलागि नेताहरुले खवरदारी गरे । उनीहरुले बेथिति र भ्रष्टाचारविरुद्ध निरन्तर कारबाही अघि बढाउदै लगे जनताले स्वतः सुशासनको अनुभूति गर्ने बताएका थिए ।
