१0 महिना अघि
२0८0 पुष १६ सोमबार
बिन्द्र राई/ माझखर्क
उदयपुर, पुस १६
उदयपुरमा दुर्घटना न्यूनीकरणको लागि ट्याक्टरहरुमा रिफ्लेक्टर स्टिकरको प्रयोगमा अनिवार्य गरिएको छ । जिल्ला ट्राफिक प्रहरी कार्यालय उदयपुर र त्रियुगा ट्याक्टर ढुवानी व्याबसायी संघ बीचको समन्वयमा सोमबार उदयपुरको गाईघाटमा सडक दुर्घटना न्यूनीकरणको लागि रिफ्लेक्टर स्टिकर प्रयोगमा अनिवार्य गरिएको हो ।
रात र दिनको समयमा विभिन्न सामाग्री ढुवानीमा ट्याक्टरहरु अधिक्तम प्रयोगमा आए संगै दुर्घटना पनि बढिरहेको हुदा न्यूनीकरणको लागि ट्याक्टरहरुमा अनिवार्य रिफ्लेक्टर स्टिकर प्रयोग गरिएका हुन् । जिल्ला ट्राफिक प्रहरी कार्यालय उदयपुरको प्रमुख प्रहरी वरिष्ठ नायव निरीक्षक लोक बहादुर दियालीले सडक दुर्घटना न्यूनीकरणको लागि रिफ्लेक्टर स्टिकर प्रयोगमा अनिवार्य गरिएको जानकारी दिए ।
दियालीले जाडो समयमा सडकमा हुस्सु सितलहर तथा रात र दिनको समयमा अगाडि र पछाडिका सवारीसाधन हरुले साईड लाईट (ईन्डिकेटर) देख्न नसक्ने हुदा दुर्घटना हरु हुने गरेको जानकारी दिए । त्रियुगा ट्याक्टर ढुवानी ब्यावसायी संघको अध्यक्ष युवराज पराजुलीले ट्याक्टरहरुमा रिफ्लेक्टर स्टिकर जडानसंगै सडक दुर्घटना न्यूनीकरणमा सहयोग पुग्ने उनको भनाई छ ।
उदयपुरको गाईघाटमा पहिलो पटक १५ थान ट्याक्टरमा रिफ्लेक्टर स्टिकर जडान गरिएको जिल्ला ट्राफिक प्रहरी कार्यालय उदयपुरले जनाएको छ ।
