९ महिना अघि
२0८0 पुष १0 मंगलवार
बिन्द्र राई/माझखर्क उदयपुर, पुस १०
देश तथा बिदेशको विभिन्न भूभागमा रहनु हुने किराँत राईहरुले धुमधामका साथ उधौली पर्व मनाएका छन् । त्यसै गरि उदयपुरमा पनि किराँत राईहरुले धुमधाम उधौली पर्व मनाएका छन् ।जिल्लाको त्रियुगा, बेलका, कटारी र चौदण्डीगढी नगरपालिका र गाउँपालिकाका विभिन्न ठाउहरुमा मंगलबार प्रकृति पूजक किराँत राईहरुले पुर्खा पित्रीहरुका सम्झना आ- आफ्ना साकेला थानमा धुमधामका साथ पूजा गर्दै उधौली पर्व मनाएका छन् । उधौली पर्वमा आ- आफ्ना सास्कृतिक पोसाक लगाएर ढोलझ्याम्टा बजाउदै नाचेर पित्रीहरुलाई सम्झेर यो पर्व मनाईदै आएको धार्मिक बिश्वास रहदै आएको भनाई छ ।
उधौली र उभौली पर्व किन मनाईन्छ ?
किराँत राईहरुले पित्री पुर्खाहरुका सम्झनामा नंया साल एलेसम्बत ५ हजार ८३ मनाउदै आईरहेका छन् । उधौली पर्व बालीनाली भित्र्याउने र उभौली पर्व बालीनाली लगाउने सममा परेसंगै समयको परिवर्तनले गर्दा यस पर्वलाई उधौली र उभौली पर्व भनिदै आएको हो । यस पर्वलाई अधिकाङ्सले बालीनालिको भित्र्याउने र लगाउने बेलामा थानहरुमा पूजापाठ गर्नुका साथै वाम्बुले राईहरुले न्वागी गर्ने गरेका छन् । उधौली र उभौली पर्वमा अदुवा,सेवाली , कुखुरा, कोदोको जिर्मा, रक्सी लगायत पित्रीलाई सम्झेर थानमा चढाउने गरिन्छ ।
प्रकृती पुजक भनेको के हो ?
किराँत राईहरुलाई किन प्रकृति पुजक भूमिपूत्र भनिएको हो त ? किनकी हाम्रा पुर्खाहरु प्रकृति प्रेमी प्रकृतीलाई माया गर्ने उत्पत्ति कालदेखि जङ्गल कृषिपेशाबाट आधारित रहेर कृषि उत्पादनबाट जीबिकोपार्जन गर्दै आईरहेको आएको हुदा प्रकृति प्रेमी भूमिपुत्र भनिनुका साथै प्रकृति पूजक भन्ने गरिन्छ ।
