९ महिना अघि
२0८0 पुष ९ सोमबार
बिन्द्र राई/माझखर्क
उदयपुर, पुस ९
उदयपुरमा जेष्ठ नागरिकहरुलाई सम्मान स्वरुप जाडो समयलाई मध्यनजर गरेर न्यानोको लागि सिरक बितरण गरिएको छ । त्रियुगा नगरपालिका गाईघाट अन्तर्गत रहेको १३न. वडा कार्यालय ढिकले "जेष्ठ नागरिकको अनुभव र ज्ञान हामी सबैलाई प्रेरणा र मार्गनिर्देशन" भन्ने मुल नाराको साथ सोमबार जेष्ठ नागरिहरुका सम्मान कार्यक्रमको आयोजना गरेको थियो ।
कार्यक्रममा वडाको अध्यक्ष नवीन कुमार चौधरी र प्रमुख अतिथी जेष्ठ नागरिक डम्बर बहादुर कटुवालले सयुक्त रुपमा जाडो समयलाई मध्यनजर गरेर सम्मान स्वरुप जेष्ठ नागरिकहरुलाई सिरक बितरण गरेका थिए । सम्मान कार्यक्रममा वडाको विभिन्न ठाउहरुबाट ८० बर्ष उमेर नाघेका ४९ जना जेष्ठ नागरिकहरुलाई सम्मानको लागि एक-एक वटाका दरले सिरक बितरण गरिएको थियो ।
१३ न.वडा अध्यक्ष नविन कुमार चौधरीले जेष्ठ नागरिकको सम्मान र जाडो समयलाई मध्यनजर गरेर सिरक बितरण गरिएको बताए । चौधरीले वडाको न्यून बजेटले जेष्ठ नागरिकको सिरक खरिद गरिएको र जेष्ठ नागरिकहरुलाई सम्मान सङ्गै जाडोमा न्यानोको लागि सिरक बिरण गर्न पाउँदा खुसी भएको बताए । कार्यक्रममा राजनीतिक दल, नागरिक समाज, टोल विकास सस्थाका प्रतिनिधिलगायतले उपस्थित जनाएका थिए ।
