११ महिना अघि
२0८0 पुष ७ शनिबार
बिन्द्र राई/ माझखर्क
उदयपुर,पुस ७
उदयपुरमा अबैध रुपमा ल्याईएको उत्तिस जातको गोलिया काठ सहित दुई जना पक्राउ परेका छन् । चौदण्डीगढी नगरपालिका अन्तर्गतको ईलाका प्रहरी कार्यालय बेल्टारबाट खटिएका प्रहरी टोलीले शुक्रबार सोही नगरको वडा न. -७ कल्याणचोकबाट अबैध रूपमा ल्याईएको उत्तिस जातको ५ शय ६० किवी गोलिया काठसहित प्र.१-०२-००२ ख ००६२ न.ट्रक , चालक सहित दुई जनालाई पक्राउ (नियन्त्रण)गरिएको जिल्ला प्रहरी कार्यालय उदयपुरले जनाएको छ ।
पक्राउ पर्नेहरूमा बेलबारी नगरपालिका -४ मोरङ बस्ने चालक बर्ष २७ को सोम बहादुर भुजेल र लालिगुरास नगरपालिका -३ तेह्रथुम बस्ने बर्ष १९ केदार बानियालाई पक्राउ गरी कामकारबाहीको लागि डिभिजन बन कार्यालय उदयपुरमा बुझाईएको प्रहरीले जनाएको छ ।
