९ महिना अघि
२0८0 मंसिर १८ सोमबार
उदयपुर, मंसिर १८
‘३२ औं अन्तराष्ट्रिय अपाङ्गता दिवस’को अवसर पारेर उदयपुरको बिकट पहाडी ताप्ली गाउँपालिकाका फरक क्षमता भएका नागरिकहरुलाई बैशाखी र ह्वील चेयर उपलब्ध गराएको छ । गाउँपालिकाकाले फरक क्षमता भएकाहरुलाई सहजरुपमा हिडडुल गर्न सहयोग गर्ने उदेश्यले बिभिन्न वडाका १८ जनालाई बैशाखी र ह्वील चेयर उपलब्ध गराएको हो ।
दिवसको अवसरमा आइतबार आयोजित एक कार्यक्रममा गाउँपालिका अध्यक्ष ढुंगराज विश्वकर्मा र उपाध्यक्ष धना मगरले बैशाखी र ह्वीलचेयर बितरण गरे । जसमा १२ जनालाई बैशाखी दिइएको छ भने ८ जनाले ह्वील चेयर पाएको प्रमुख प्रशासकीय अधिकृत भक्त राईले बताए ।
सामग्री हस्तान्तरण गर्दै गाउँपालिका अध्यक्ष विश्वर्कमाले अपाङ्गता भएका नागरिकलाई हिडडुल गर्न सहज होस् भनेर सहायक सामग्री दिइएको बताए । उनले फरक क्षमता भएकाहरु पनि कुनै न कुनै सिप सिकेर उद्यम व्यवसाय गरी आयआर्जनमा लाग्नुपर्ने बताए । फरक क्षमता भएकाहरुलाई सीप सिकाउन गाउँपासलिकाले आवश्यक बजेट बिनियोजन गरेको भन्दै उनले अपाङ्गता भए पनि तालिम लिएर दक्ष भई आयआर्जनमा लाग्न सके सामाजिक पुनस्र्थापना हुने बताए ।
अध्यक्ष विश्वकर्माले फरक क्षमता भएका नागरिकको सामाजिक पुनस्र्थापनाका लागि स्थानीय सरकारलाई प्रदेश र संघीय सरकारले पनि सहयोग गर्नुपर्ने बताए । फरक क्षमता भएकाहरुलाई सक्षम बनाएर सामाजिक पुनस्र्थापना गराई स्वास्थ, शिक्षा र जिविकोपार्जनमा अघि बढाउन समन्वयकारी भूमिका खेल्न पनि उनले सबैलाई आग्रह गरे ।
प्रमुख प्रशासकीय अधिकृत राईका अनुसार फरक क्षमता भएकाहरुलाई सहायक सामग्री गाउँपालिका, प्रदेश सरकार र करुणा फाउन्डेसनको साझेदारीमा बितरण गरिएको हो । फरक क्षमता भएका अन्य नागरिकलाई पनि सहायक सामग्री बितरण गर्ने कार्यक्रम रहेको पनि अधिकृत राईले बताएका छन् ।
गर्नुपर्छ मिल्छ हजुर । नमिलेर सुख ??
