१0 महिना अघि
२0८0 कार्तिक २१ मंगलवार
बिन्द्र राई
बगाहा, कात्तिक २१
उदयपुरमा मङ्गलबारदेखि जारी ‘युवराज राई (कैलाश) स्मृति फुटबल प्रतियोगिता ०८०’को मंगलबारको खेलमा आयोजक बगाहा फूटबल समूह विजयी भएको छ । बगाहाले त्रियुगा नगरपालिका १० बोक्से नयाँबस्तीलाई २–० गोलले पराजित गर्दै विजयी यात्रा थालेको हो ।
खेलमा मध्यान्तरपछिको ९ औँ मिनटमा नयाँबस्तीका खेलाडी सनम राईले गोल गरेर समूहलाई अग्रता दिलाएका थिए । २१ औँ मिनटमा बगाहाका खेलाडी प्रबिन राईले जवाफी गोल फर्काउँदै बराबरी पारे । १–१ गोल भएसँगै दुवै समूहबीच चर्को प्रतिस्पर्धा भईरहेका बेला २९ औँ मिनेटमा पुनः बगहाका प्रबिन राईको प्रहार गोलमा परिणत भएपछि बगाहाले जित हात पारेको हो ।
खेलको म्यान अफ द म्याच पनि प्रबिन राई नै घोषित हुँदै १ हजार पुरस्कार पाए । बुधबारको खेलमा त्रियुगा ११ गाईघाट र त्रियुगा १४ साउनेबीच प्रतिस्पर्धा हुने आयोजक समूहले जनाएको छ ।
