१
२0८0 कार्तिक २१ मंगलवार
गाईघाट, कात्तिक २१
उदयपुर प्रहरीले थप ३ जना फरार अभियुक्त फेला पारी नियन्त्रणमा लिएको छ । ्रकुटपिट र जवरजस्ती करणी प्रयास आरोपमा अदालतबाट सजाय तोकिए पनि फरार सूचीमा रहेका उनीहरुलाई घर वतनबाटै पक्राउ गरेको जनाइएको छ ।
फरार अभियुक्तहरुको खोजी गरी पक्राउ गर्ने प्रहरी अभियान अन्तर्गत इलाका प्रहरी कार्यालय बेल्टारबाट खटेको टोलीले सोमबार उनीहरुलाई पक्राउ गरेको हो । पक्राउ पर्नेमा कुटपिट मुद्दामा अदालतबाट दोषी करार भएका जिल्लाको चौदण्डीगढी नगरपालिका १० हडियाका ४८ वर्षीया पबित्राकुमारी बिष्ट, सोही ठाउँकी १८ वर्षीया उमा बिष्ट रहेका छन् ।
उनीहरुलाई गत २०७५ भदौ ९ गतेको फैसला अनुसार दोषी प्रमाणित भई जनही ५ हजार रुपैया जरिबाना तोकिएको प्रहरीले जनाएको छ ।
त्यस्तै सोही दिन प्रहरीले जबरजस्ती करणी मुद्दामा दोषी प्रमाणित गर्दै २ हजार जरिवाना तिराउने फैसला गरे पनि फरार चौदण्डीगढी १० खैराझोडाका ३९ वर्षीय परिवर्तित नाम आरकेसी भन्ने व्यक्ति पनि पक्राउ परेका छन् । उनलाई अदालतको ०७७ भदौ २३ गतेको फैसला अनुसार दोषी करार गरिएको हो ।
पक्राउ सबैलाई फैसला कार्यान्वयनका लागि मंगलबार उदयपुर जिल्ला अदालत पठाइएको जिल्ला प्रहरी कार्यालयका सूचना अधिकारी डिएसपी हरिनन्दन चौधरीले बताए ।
