१0 महिना अघि
२0८0 कार्तिक १९ आईतवार
बिन्द्र राई
उदयपुर, कात्तिक १९
पूर्व खेलाडीको स्मृतिमा सदरमुकाामा आयोजित फुटबल प्रतियोगिताको उद्घाट्न चरणको खेलमा बेल्टारले जित सुरुवात गरेको छ । फूलबारी युवा समूह बेलटारका पूर्व खेलाडी स्वर्गीय युवराज राई( कैलाश)को सम्झनामा जिल्ला फूटबल संघ उदयपुरको समन्वयमा त्रियुगा नगरपालिका -४ बगहा युवा समूहद्रारा आयोजित प्रतियोगिताको आईतवार सम्पन्न पहिलो खेलमा बेलटारको जित भएको हो ।
बगाहास्थिि आफ्नै खेल मैदानमा सञ्चलन भएको पहिलो खेलमा बेल्टार एकता युवा समूह .बेल्टारले ईलाभेन स्टार फूटबल समूह बोक्से नयाॅॅबस्तीलाई शून्यका विरुद्ध ३ गोलले पराजित गरेको हो । बेल्टारका खेलाडी विशाल राईले पहिलो हाफको ३ मिनेटमा समूहलाई पहिलो गोल दिलाएका थिए भने यता एलिभेन स्टारको आफ्नै गोल पोस्ट नजिक भएको घम्साघम्सीमा आत्मघाती गोल हुन पुगेको थियो ।
यस्तै मध्यान्तपछिको ४३ औं मिनेटमा बेल्टारका शरद राईले थप एक गोल गरेर समूहलाई ३-० को परिणाममा पुर्याएका थिए ।
त्रियुगा नगर उपप्रमु महेश्वरी राईले खेलाडीलाई फूटबल हस्तान्तरण गरेर उद्घाटन गर्दै खेल क्षेत्रको बिकासलाई अगाडि बढाउन कुनै कसर बाॅकी नराख्ने प्रतिबद्धता व्यक्त गरिन् । उनले खेलकुद क्षेत्रको समग्र बिकासलाई सम्बन्धित सरोकारवाला निकाय नागरिक समाज तथा खेलप्रेमी समुदाय सबै लागिरहनु पर्नेमा पनि जोड दिईन् ।
प्रतियोगितामा पहिलो र दोस्रो हुने समूहलाई क्रमश ५० र ३० हजार नगद मेडल, ट्रफी र प्रमाणपत्र बितरण गरिने आयोजकले जनाएको छ । सोमबारको खेल मलिथम फूटबल समूह र दमौटी फूटबल समूहबीच हुने आयोजकले जनाएको छ । प्रतियोगिता आउदो २५ गते सम्म सञ्चालन हुनेछ ।
