भोलि इटहरीमा पहिचानसभा, पहिचानको आन्दोलनलाई मेचीदेखि कालीसम्म पुर्याउने

१

मोरङ, कात्तिक १७

किरात याक्थुङ चुम्लुङका केन्द्रीय अध्यक्ष प्रेम एक्तेन लिम्बूले १ नं. प्रदेशको जारी पहिचानको आन्दोलनमा सबैको साथ सहयोग मागेका छन् । ‘कोशी नाम खारेजी’ र पहिचानसहितको नामाकरणको माग गर्दै शनिबार सुनसरीको इटहरीमा हुन गईरहेको संयुक्त एेक्यबद्धतासभामा जुट्न अध्यक्ष लिम्बुले आव्हान गरेका हुन् । 

पहिचानको अभियानकै क्रममा बुधबार मोरङको पथरी आएका अध्यक्ष लिम्बुले आफूलाई संघीय गणतन्त्रवादी भन्ने तर, प्रदेशको नाम कोस राख्ने विरोधाभाष कुराप्रति असहमति राख्दै पहिचानविरोधी कोसी नाम खारेज गर्ने पक्षधरहरु र देशलाई समानुपातिक, समावेशी र धर्म निरपेक्ष बनाउन चाहनेहहरु सबै एकजुट भएर लाग्नुपर्ने बताए ।त्यसका लािग इटहरीमा हुने ऐक्यबद्धता सभामा सहभागी हुन सबैसँग अध्यक्ष लिम्बुले आव्हान गरेका छन् । 

उनले पहिचान स्थापनाका लागि याक्थुम चुम्चुङ, किरात राई यायोक्खा, तामाङ घेदुङ, मगर संघ, तमु संघ, नेवा देय दवु मंका खल तथा थारु कल्याणकारीणी सभा र दनुवार उत्थान समाजलगायत सबै जाति समुदायको साझा नेतृत्व र समन्वयको आवश्यक्ता औँल्याए । सबै सामाजिक र सामुदायिक संघसंस्थाको नेतृत्व र संयोजनमा कात्तिक १८ गते इटहरी चोकमा हुन लागेको संयुक्त एेक्यबद्धता सभालाई सफल पार्न पनि अध्यक्ष लिम्बुले आव्हान गरेका छन् । 

सभालाई प्रभावकारी, शान्तिपूर्ण र भव्यरुपमा सफल बनाउन चुम्लुङ अध्यक्ष लिम्बु, जनमुक्ति पार्टी अध्यक्ष केपी पालुङ्वा, किरात राई यायोक्खा उपमहासचिव अर्जुन जम्नेली राई, १ नं. प्रदेश पुननामांकन मोरङ जिल्ला संघर्ष समिति अध्यक्ष रामभक्त कुरुम्बाङ, उपाध्यक्ष डम्बर कुरुम्बाङ, सचिव जयराज संयोगलगायतबीच भएको छलफलमा अध्यक्ष लिम्बुले सो कुरामा जोड दिएका हुन् ।

प्रदेश नं। १ मा जारी कोसी नाम खारेजी र पहिचानको नामांकलन आन्दोलनप्रति एेक्यबद्धता जनाउन इटहरिमा हुने सभालाई निर्णायक बनाउने अपेक्षा गरिएको नेपाल तामाङ घेदुङका केन्द्रीय अध्यक्ष मोहन गोलेले बताएका छन् । उनले प्रदेश १ मा जारी पहिचानको आन्दोलनले अभियानको रुप लिइसकेको र मेचीदेखि महाकालीसम्म जोड्दै तेस्रो जनआन्दोलनमा परिणत गर्ने लक्ष्य लिइएको पनि बताए । 

 
इटहरीमा हुने कार्यक्रममा झापा, सुनसरी, मोरङ, धनकुटा, उदयपुर, पाँचथर, इलाम, खोटाङ, संखुवासभा, तेरथुमलगायत जिल्लाबाट सहभागी हुने आयोजक संघर्ष समितिले जनाएको छ । कार्यक्रममा प्रदेश १ पुनः नामाङकन संयुक्त संघर्ष समितिलाई व्यापक बनाउन मद्धत पुग्ने घटक संस्था यायोक्खाका केन्द्रीय अध्यक्ष जीवन हाताचो राईले बताएका छन् । सभालाई प्रेम यक्तेन लिम्बुसहित प्रदेश १ पुननामाङ्कन अभियान अध्यक्ष डकेन्द्रसिंह थेगिमलगायत नेपाल आदिबासी जनजाति महासंघ शेर्पा संघ, जनमुक्ति पार्टीसहित अभियानमा संलग्न बिभिन्न ६ वटा घटक संस्थाका प्रमुखहरुले सम्बोधन गर्ने कार्यक्रम रहेको छ ।