११ महिना अघि
२0८0 आश्विन २८ आईतवार
कटारी, असोज २८
कटारीमा जारी ‘दोस्रो गबुवा खुल्ला नकआउट फुटबल प्रतियोगिा ०८०’को शुक्रबारको खेलमा दुधौलीस्थित नमूना युवा समूह सिन्धुली विजयी भएको छ । कटारी नगरपालिका ४ स्थित गबुवामा शुक्रबारदेखि सुरु प्रतियोगिताको आईतबारको खेलमा नमुना आयोजक गबुवा स्पोर्टस क्लवलाई पराजित गर्दै विजयी भएको हो ।
नमूनाले आयोजक क्बललाई ३–१ को गोल अन्तरले पराजित गरेको हो । आईतबारको खेलमा म्यान अफ द म्याचको उपाधि पनि नमुनाकै शौसन राई घोषित भए ।
कटारी र सिन्धुलीका बिभिन्न १० खेल समूहको सहभागिता रहको प्रतियोगिताको विजेताले नगद ६६ हजार ६ सय ६६ रुपैँया पुरस्कारका साथै ट्रफि, मेडल र प्रमाणपत्र पाउनेछ। उपविजेतालाई नगद ४४ हजार ४ सय ४४ का साथमा शिल्ड, मेडल र प्रमाणपत्र दिइने क्लवका अध्यक्ष अभिषेक विश्वकर्माले बताए ।
क्लबकी सचिव मुना सुनुवारका अनुसार प्रतियोगितामा विजेता सबै विधागत पुरस्कार दिइने छ । प्रतियोगिताको र्फाइनल खेल कार्तिक ३ गते हुने सचिव सुनुवारले बताईन् ।
