१
२0८0 आश्विन २५ बिहीबार
उदयपुर, असोज २५
चौदण्डीगढी नगरपालिका केन्द्र बेलटारस्थित मेडिकल सञ्चालक लागू औषधिसहित पक्राउ परेसँगै मेडिकल सञ्चालकहरुप्रति निगरानी बढाउँदै गएको प्रहरीले अर्को मेडिकल सञ्चालकलाई पक्राउ गरेको छ । यहीँ क्रममा बुधबार दिउँसो सदरमुकाम गाईघाटबाटै २ हजार ५० ट्याब्लेट लागू औषधसहित मेडिकल व्यवसायी पक्राउ परेका हुन् ।
त्रियुगा नगरपालिका ११ डिएमगेटस्थित काल्स फार्मेसीबाट प्रहरीले दिउँसो १६ः३० बजेको समयमा नियन्त्रित औषधिसहित सोही ठाउँकी ३० वर्षीया सरिता चौधरी पक्राउ परेकी हुन् । मेडिकलबाट प्रतिबन्धित औषधि बिक्री बितरण भईरहेको भन्ने बिशेष सूचनाका आधारमा जिल्ला प्रहरी कार्यालय उदयपुरबाट खटेको विशेष टोलीले फार्मेसीमा रितपुर्वक खानतलासी गर्दा नियन्त्रित औषधि फेला परेपछि पक्राउ गरिएको हो ।
चौधरीको फार्मेसीबाट स्पासपेन १ हजार ९ ६० ट्याब्लेट र बेगाबेलेन ८ पत्ताको ८० ट्याब्लेट बरामद भएको जिल्ला प्रहरी कार्यालयका सूचना अधिकारी डिएसपी हरिनन्दन चोधरीले बताए । उनका अनुसार बरामद औषधिसहित प्रहरी कार्यालयमा राखिएकी चौधरीलाई थप अनुसन्धा गर्न विराटनगरस्थित औषधि व्यवस्था विभाग पठाइएको छ ।
