११ महिना अघि
२0८0 आश्विन २0 शनिबार
उदयपुर, असोज २०
नेकपा (माओवादी केन्द्र) निकट नेपाल उद्योग व्यापार महासंघ उदयपुरको नेतृत्व चयन भएको छ । शनिबार गाईघाटमा भएको पहिलो. अधिवेशनले राजकुमार शर्माको अध्यक्षतामा २१ सदस्यीय जिल्ला कार्यसमिति चयन गरेको हो ।
सर्वसम्मत गठित समितिको दुई उपाध्यक्षमा उद्योगतर्फ बालकुमार सुयल र वाणिज्यतर्फ तिलक राई चयन भएका छन् । प्रवेश खड्का महासचिव र कोषाध्यक्षमा भिमकुमारी राईलाई चयन गरेको छ । अभिवेशनले सदस्यमा चुडामणि कार्की, शेख इज्राइल, अभिनाश श्रेष्ठ, सुचन मगर, युसव अधिकारी, टिनकी ज्याला चौधरी र बिनिता चौधरीलाई छानेको छ ।
जिल्लाका ८ वटै स्थानीयतहबाट प्रतिनिधित्व गर्ने गरी लिमचुङबुङबाट जनदिप थापा, त्रियुगाबाट हिमराज मगरलगायत बिभिन्न स्थानीयतहबाट चन्द्रबहादुर कार्की, टीकाराम गिरी, रन्जित साह, राधेश्याम साह र सिद्धेश्वर साह पनि सदस्य छानिएका छन् ।
जिल्लासँगै सोही दिन सम्पन्न त्रियुगा नगर अधिवेशनले उद्योग व्यापार महासंघ नगरकमिटी अध्यक्षमा सुरज साहलाई छानेको छ । १८ सदस्यीय नगरकमिटीका दुई उपाध्यक्षमा उद्योगतर्फ आदेश राई र वाणिज्यतर्फ शंकर साह चयन भएको निर्वाचन समितिले जनाएको छ । महासचिवमा अनवर अलि र सचिवमा राकेश यादब चयन हुँदा कोषाध्यक्षमा लक्ष्मी राई र सहकोषाध्यक्ष आनन्द भगत चयन भएका छन् ।
अविधेशनले सदस्यमा उपेन्द्र साह, पञ्चहिरा राई, अशोक बिक, अन्सारुल अलि, कृष्ण रौनियार र पानालाल भगतलाई छानेको छ । सन्तोष राई, टेकबहादुर मगर, रेवत कुमार रोक्का, किरणकुमार साह र मनोज कटुवाल पनि सदस्य चयन भएका छन् ।
माओबादी केन्द्रीय अनुशासन आयोगका अध्यक्ष टंक राईले उद्घाटन गरेको अधिवेशनमा पार्टी त्रियुगा नगर अध्यक्ष मानबहादुर राई, प्रेस सेन्टर नेपालका केन्द्रीय सदस्य भोटराज राई, प्रदेश १ सचिब गजेन्द राई, त्रियुगा १४का वडाअध्यक्ष हेमराज मगरलगायतको उपस्थिति रहेको थियो ।
