१
२0८0 भाद्र २७ बुधबार
उदयपुर, भदौ २७
बुधबार सवारी दुर्घटनामा परी जिल्ला प्रहरी कार्यालय उदयपुर अन्तर्गत प्रहरी चौकी भागलपुरमा कार्यरत प्रहरी सहायक निरीक्षक (असई) श्रीकुमार बस्नेतको निधन भएको छ ।
बुधबार पूर्वबाट आउादै गरेको ना ४ ख ८१६३ नं. को ट्रकले प्रदेश १–०२–०५१ प ६४७८ नं. को मोटरसाईकललाई ठक्कर दिँदा ४५ वर्षीय असई बस्नेतको घट्नास्थलमै निधन भएको हो । गाईँघाटबाट आफ्नो कार्यक्षेत्र भागलपुर जाने क्रममा मदन भण्डारी लोकमार्गको बेलटार–गाईघाट खण्डमा पर्ने चौदण्डीगढी नगरपालिका ९ ज्यामिरे कठुवाबारीमा उनी दुर्घटनामा पर्दा घट्नास्थलमै निधन भएको जिल्ला प्रहरी कार्यालयले जनाएको छ । ।
उदयपुरको ताप्ली गाउँपालिकास्थित प्रहरी चौकी रामपुर झिल्केमा दरबन्दी भई प्रहरी चौकी भागलपुरको इन्चार्जमा कार्यरत सुनसरीको इटहरीका स्थायी बासिन्दा भएको बताइएके छ । बस्नेतका २ छोरी र प्रहरी सेवामै कार्यरत श्रीमति गर्भवति रहेको पारिवारिक स्रोतलाई उद्धृत गर्दै प्रहरीले जनाएको छ ।
उनी जिल्ला प्रहरी कार्यालयले बोलाएको युटिन प्रमुखहरुको बैठकमा सहभागी भएर कार्यक्षेत्र फर्कने क्रममा दिउँसो १ः३० बजे दुर्घटनामा परेका हुन् । भर्खर सरुवा भई आएका जिल्ला प्रहरी प्रमुखले बुधबार बोलाएको पहिलो युनिट बैठकमा सहभागी भएर कार्यक्षेत्र फर्कदै गर्दा यस्तो दुःखद घट्ना भएको प्रहरीले जनाएको छ ।
दुर्घंटनालगत्तै फरार रहेका ट्रक चालक बाँके जिल्लाको कोहलपुर नगरपालिका १३ भैरहवाका ३८ वर्षीय बिमल परियार केही बेरमै नियन्त्रणमा परेका छन् । ट्रक र चालक दुवैलाई हिरासतमा राखेर अनुसन्धान सुरु भएको जनाइएको छ ।
