१
२0८0 भाद्र २६ मंगलवार
उदयपुर, भदौ २७
दुईसाताअघि त्रियुगा नदीमा बगेर बेपत्ता भएका १४ वर्षीय किशोर मृत अवस्थामा फेला परेका छन् । यही भदौ १४ गते बेलका नगरपालिका २ तपेश्वरीस्थित त्रियुगा नदी तर्ने क्रममा बाढीले बगाएर बेपत्ता भएका स्थानीय १४ वर्षीय संविधान चौधरी मंगलबार साँझ मृत अवस्थामा फेला परेका हुन् ।
स्थानीयले चौधरीको मृत शरीर मंगलबार साँझ देखेर प्रहरीलाई खवर गरेका थिए । उनी बगेको ठाउँभन्दा झण्डै ३ सय मिटर तल फेला परेको बेलका नगरप्रमुख अशोक कार्कीले बताए । मेयर कार्कीका अनुसार चौधरीको शव नदी किनारमा सडिसकेको अवस्थामा फेला परेको छ ।
शव फेला परेको पाइएपछि इलाका प्रहरी कार्यालय रामपुर र प्रहरी चौकी तपेश्वरीबाट खटेको संयुक्त टोलीले शव निकालेर घट्नास्थलको कानुनी प्रक्रिया अनुसार सर्जमिन मुचुल्का गरी पोष्टमार्टमका लागि अस्पताल पठाइएको कार्कीले बताए ।
१४ गतेकै दिन झापाको दमकस्थित मदन भण्डारी स्मृति ट्रमा सेन्टरमा कार्यरत एक सर्जन चिकित्सकले पनि कोसीमा हाम फालेर देहत्याग गरेका थिए । कारमा सवार उनले बेलका नगरापलिका ८ चतारा कोठुस्थित पुलछेउमा कार रोखर पुलबाट हाम फालेर ज्यान गुमाएको प्रहरीले जनाएको छ । उनको शव ३ दिनपछि पुलदेखि झण्डै ५ सय मिटर तल फेला परेको थियो ।
