समाजबादी मोर्चाको प्रदेश सभाः कोशी प्रदेश खारेजको माग 

१

बिराटनगर, भदौ २५

सोमबार रिाटनगरमा आयोजित ‘समाजवादी मोर्चा’ले को प्रदेशस्तरीय सन्देशसभाका अधिकांश वक्ताले कोसी प्रदेश खारेजीको माग उठाएका छन् । मोर्चाको सन्देशसभामा बोल्ने नेकपा (माओबादी केन्द्र)का अध्यक्ष तथा प्रधानमन्त्री पुष्पकमल दाहाल ‘प्रचण्ड’देखि जनता समाजबादी पार्टी अध्यक्ष उपेन्द्र यदवसम्म र नेकपा (एकीकृत समाजबादी)का प्रदेश अध्यक्ष बलदेव चौधरीदेखि जसपा प्रदेश इन्चार्ज रकम चेम्जोङ र अध्यक्ष दिपक याख्खासम्मले कोसी प्रदेश खारेज गर्नुको बिकल्प नभएकोमा जोड दिएका छन् ।

कार्यक्रमको स्वागत मन्तव्य राख्दै नेकपा (एस)का अध्यक्ष चौधरीले प्रदेशको ‘कोसी’ नाम जनताले अस्वीकार गरिसकेकाले पहिचानको आधारमा नाम राख्न जोड दिए । ‘१ नं. प्रदेशको नामाकरण गर्दा पहिचानलाई निशेध गरिएको हुनाले अहिले महिनौदेखि आन्दोलन चर्किरहेको छ’ चौधरीले भने ‘पहिचानपक्षधरको सशक्त आन्दोलनले त्यसको पुष्टि गरिसकेको हुनाले १ नं. प्रदेशको नाम पहिचानको आधारमा संशोधन गर्नुको बिकल्प छैन ।’ 

अर्का वक्ता जनता समाजबादी पार्टीका प्रदेश इन्चार्ज रकम चेमजोङले पहिचानबिरोधी नाम कोसीलाई जनताले पटक्कै नरुचाएको भन्दै नाम संशोधन गर्नेतर्फ लाग्न सुझाए । उनले पहिचान खोला नदी र ढुंगा माटोले नभएर मान्छेका लागि चाहिएको भन्दै प्रदेशबासी जनताको भावनाको कदर गर्दै पहिचानमा आधारित प्रदेश नामाकरण गर्न संशोधनको माग गरे । 

जसपाकै आध्यक्ष उपेन्द्र यादवले १ नं. प्रदेशमा नामाकरणसँगै शान्ति सुरक्षा खल्बलिएको भन्दै पहिचानको आधारमा नामाकरण गर्नु नै अन्तिम बिकल्प भएको बताए । पहिचान दिदा कसैको केही नजाने बरु स्थायी शान्ति आउने भन्दै उनले महेश प्रदेश नामाकरणपछि महेशमा शान्ति कायम भएकाले अव विकासमा मात्र जोड दिन थालेको उदाहरण दिए । 

प्रमुख अतिथि प्रधानमन्त्री पुष्पकमल दाहाल प्रचण्डले १ नं. प्रदेशको नामाकरणमा गल्ती भएकैले आन्दोलन चकिएको बताउँदै वार्ता र छफलबाट समस्या समाधान गर्नुपर्ने बताए । उनले कोसी नामाकरणले प्रदेशमा आन्दोलन चर्काएको भन्दै पहिचानको पक्षमा नामाकरण गर्ने कुरामा आफु सुरुदेखि नै रहेको रु भविष्यसम्म रहिरने बताए । म राजनीतिक लडाइँमा छु' सम्बोधनका क्रममा प्रधानमन्त्री प्रचण्डले भने 'हतियारविहीन युद्धमा छु, तपाईहरूले साथ दिनु प¥यो ।’

कार्यक्रममा नेकपाका अध्यक्ष नेत्रविक्रम चन्द (बिप्लब) र एसका अध्यक्ष माधव नेपाल, जसपा अध्यक्ष यादव र प्रचण्ड सबैले नेपालमा समाजबादी मोर्चाको आवश्यक्ता र औचित्य पुष्टि गर्ने प्रयास गरेका थिए । ‘विप्लव’, यादव र नेपालले प्रधानमन्त्री प्रचण्डको कामलाई राम्रो गरेको संज्ञा दिदै देशलाई समाजबादी बाटोमा अघि बढाउन यो सरकारले थालेको काममा साथ दिन आग्रह गरेका  िथए ।

यादव, विप्लव र नेपालले प्रधानमन्त्री प्रचण्डको प्रशंसा गर्दै बिगत जनयुद्धकालमा र अहिले सरकारमा रहेर गरेको कामको तारिफ गरेका थिए ।  बिप्लबले जनयुद्धका कमाण्डर, सर्वोच्च नेता हुँदै हिजो सामन्तबादीको जरोकिलो उखेल्ने प्रचण्डले अहिले सरकारमा रहेर भ्रष्टाचारी र दलाल पुँजीवादका विरुद्धमा सशक्त काम गरिरहेको बताए । उनले सरकारबाट राम्रो काम गर्ने प्रचण्डलाई सडकबाट आफुले साथ दिने प्रतिबद्धता पनि जनाएका थिए ।