उदयपुरका ७५ वटै वडामा ‘जनतासँग माओबादी–विशेष रुपान्तरण अभियान’ सुरु

१

उदयपुर, भदौ १६

भदौ १६ देखि सुरु नेकपा (माओबादी केन्द्र)को देशव्यापी कार्यक्रम 'जनतासँग माओबादी–विशेष रुपान्तरण अभियान'‘ उदयपुृरमा पनि सबै वडामा सुरु भएको छ । सदरमुकाम त्रियुगा नगरपालिकामा पार्टी केन्द्रीय अनुशासन आयोग अध्यक्ष टंक राईले शनिबार विहान ८ः०० बजे जिल्ला अस्पताल परिसरको सरसफाई गर्दैै अभियानको सुरुवात गरेका छन् । त्यस्तै अन्य ८ वटै स्थानीयतहका ७५ वटै वडामा एकैसाथ अभियानको सुरुवात भएको पार्टी जिल्ला समन्वय समिति संयोजक विनोद कटुवाल दिवसले बताएका छन् । 

संयोजक कटुवालका अनुसार त्रियुगाका १६ वटै वडा, कटारीका १४, चौदण्डीगढीका १० र बेलकाका ९ वटै वडामा एकैसाथ अभियान सुरुवात भएको छ । त्यस्तै गाउँपालिकातर्फ लिम्चुङबुङका ५ वडा, ताप्लीका ५, रौतामाईका ८ र उदयपुरगढीका ८ वटै वडामा अभियान सुरु भएको छ । अभियानको सुरुवात गर्दा अस्पताअल, विद्यालय, स्वास्थ्यचौकीलगायत बिभिन्न सार्वजनिकस्थलको सरसफाई, श्रमदान, सहिद परिवार र बृद्धबृद्धासँग भेटघाट र फलफुल बितरण गर्दै गरिएको छ । 

पार्टीले सबै वडामा केन्द्रीय सदस्यहरुलाई इन्चार्जको रुपमा खटाएर परिचालन गरेको छ । जस अनुसार उदयपुरमा अनुशासन आयोग टंक राई त्रियुगामा, अर्का केन्द्रीय सदस्य गोपी अछामी र धनमाया बिक कटारीमा, मुक्साहाङ मेयाङ्वो उदयपुरगढीमा, रामकुमार राई पासाङ लिम्चुङबुङ र ताप्लीमा तथा अमनलाल मोदी चौदण्डीगढी र बेलकामा खटेने गरी इन्जार्चसिपको जिम्मेबारी दिइएर पाटीले पठा्एको छ । 

‘घरघरमा माओबादी–जनजनमा माओबादी’ भन्ने नाराका साथ सञ्चालित अभियान अन्तर्गत हरेक स्थानीयतहमा पार्टी केन्द्रीय सदस्यको नेतृत्व रहने छ । त्यस्तै पार्टीले हरेक वडाकौ अभियान ठोस रुपमा सम्पन्न गर्न सुक्ष्म अनुगमन र व्यवस्थित नियमन गर्ने जिम्मासहित केन्द्रीय सदस्श्रयहरुलाई इन्चार्ज तोकेको छ । हरेक वडामा स्थानीयतहको कमिटीका पदाधिकारीलाई संयोजकको जिम्मेबारी दिइएको छ भने उनीहरुको साथमा अन्य पदाधिकारी र कमिटीका सदस्यहरु आवद्ध रहेका छन् । अभियानको क्रममा जनतासँग जोडिन उनीहरुको घरघर गएर दुःखसुसखका कुरा गर्ने, पार्टीले लिएको मुद्धा, सञ्चालन गरेको नीति कार्यक्रम र यसअघि पार्टीले गरेका बिभिन्न जनमुखी र अधिकारकेन्द्रित आन्दोलन र संघर्षहरु तथा त्यसिबाट प्राप्त उपलब्धी तथा माअ‍ेबादीको नेतृत्वमा बनेका सरकारले गरेका जनपक्षीय कामहरुको बारेमा विश्लेषण र समीक्षा गर्दै जनताको प्रतिक्रिया लिने काम हुनेछ । 

अभियानमा पार्टीनिकट सबै जनबर्गीय संगठनहरुलाई पनि परिचालन गरिएको छ । युवा, विद्यार्थी, महिला, दलित, शिक्षक, कर्मचारी संगठनहरु तथा जातीय मोर्चाहरु सबै परिचालन हुने पार्टीले जनाएको छ । अखिल नेपाल शिक्षक महासंघ, नेपाल राष्ट्रिय कर्मचारी संगठन (निजामति), योङ कम्युनिष्ट लिग (वाईसिएल) अनेमसंघ, दलित मुक्ति मोर्चा, मजदुर संगठन तथा किराती राष्ट्रिय मोर्चा, थरुहट मोर्चा, मगर, तमु, नेवा र मधेसी मोर्चाहरु सबैलाई अभियानमा जोडेर देशव्यापी रुपान्तरणका लागि परिचालन गरिएको छ । 

त्रियुगामा अनुशासन आयोग अध्यक्ष राईको प्रमुख आतिथ्यमा भव्य रुपमा अभियानको सुरुवात भएको छ । पार्टि नगर कमिटी अध्यक्ष मानबहादुरका अनुसार नगर कमिटीमा आबद्ध नेता कार्यकर्ता, कर्मचारी, मजदुर, युवा, महिला, विद्यार्थी, स्वास्थ्यकर्मी सबै सहभागी ठूलो जमातले अस्पताल परिसरमा सरसफाई गर्दै अभियानको सुरु भएको छ । हातमा कुचो, बेल्चा, खुकुरी हसिया बोकेका कार्यमर्ताले अस्पताल परिसरमा रहेका फोहोर उठाउनुका साथै उम्रेका झार बुटा काटेर सफाई गरेको अध्यक्ष राईले बताए । 

अभियानको सुरुवात अत्यन्त राम्रो गरी भएकाले ३ महिने अभियान पनि सफलतापूर्वक सम्पन्न हुने अपेक्षा गरिएको छ । कटारी पार्टी अध्यक्ष मणिराज दाहाल, चौदण्डीगढी अध्यक्ष्ँ दिनेश बायुङ राई, बेलका अध्यक्ष मनोज ताामाङले विहान एकैसाथ अभियानको उद्घाटन भएको बताएका छन् । त्यस्तै लिम्चुङबुङ पार्टी अध्यक्ष मेजर राईले निर्धारित समयमै ५ वटै वडामा अभियानको सफलतापूर्वक सुरुवात भएको बताए । उता ताप्ली पार्टी अध्यक्ष गुरु पोखरेलले गाउँपालिकाका ५ वटा सबै वडामा एकैचोटी अभियानको सुखद सुरुवात भएको बताएका छन् । रौतामाई अध्यक्ष वीरेन्द्र मगरले पनि ८ वटै वडामा अभियानको एकैसाथ सुरु भएको जानकारी दिएक छन् भने उदयपुरगढीका पनि ८ वटै वडामा एकैसाथ अभियानको सफल सुरुवात भएको पार्टी अध्यक्ष दिपक तामाङले बताएका छन् ।