१
२0८0 श्रावण २८ आईतवार
उदयपुर, साउन २८
किरात राई समुदायका राष्ट्र सेवक कर्मचारीहरुको संगठन ‘किरात राई कर्मचारी मन्च’ अध्यक्षमा खिलराज राई पुनः दोहोरिएका छन् । शनिबार काठमाडौँमा सम्पन्न मञ्चको पाचौ महाधिवेशनबाट उपसचिव राई पुनः अध्यक्ष चयन भएका हुन् ।
उदयपुर घर भई संघीय मामिला तथा सामान्य प्रशासन मन्त्रालयमा कार्यरत राईको अध्यक्षतामा महाधिवेशनले महिलासहित २ उपाध्यक्ष, महासचिव, २ सचिव, कोषाध्यक्ष र २ सहकोपााध्यक्षको पदाधिकारीसहित सर्वसम्मत नयाँ नेतृत्व चयन गरेको हो । मञ्चको उपाध्यक्षमा अर्का उपसचिव अनिल किराती चयन भएका छन् । कटारी नगरपालिकाका प्रमुख प्रशासकीय अधिकृत राई खोटाङका स्थायी बासिन्दा हुन् । मञ्चले महिला उपाध्यक्षमा सोलु दुधकुण्ड नगरपालिकाका प्रमुख प्रशासकीय अधिकृत कोपिला राईलाई छानेको छ ।
शनिबार विहान शिक्षामन्त्री अशोक राईले उद्घाटन गरेको महाधिवेशनको बन्दशत्रले शाखा अधिकृत अविलाल राईलाई महासचिव चयन गरेको छ भने सचिवमा क्रमशः योग्यप्रसाद राई र जंंगबहादुर राईलाई चयन गर्दा कोषाध्यक्षमा ध्यानविर राई तथा सहकोषाध्यक्षमा विश्वनाथ राई र चन्द्रशेर राई चयन गरेको छ ।
सदस्यमा रन्जना राई, सदन राई, हीराधन राई, सन्जिब राई, बलराम राई, खोमबहादुर राई, तारादेवी राई, उषाकुमारी राई, धनमाया राई, मैया राई, शान्तराज राई र रेखा राईलाई छानेको छ । त्यसैगरी खम्बराज राई, पुजा राई, सकुन्तला राई, नानुकला राई, नवीन राई, संगम राई, अन्जना राई, विनोद राई, विकास राई र जीतबहादुर राई पनि सदस्य चयन भएका छन् ।
