१
२0८0 श्रावण २१ आईतवार
उदयपुर, साउन २१
सदरमुकामको जलजलेमा हिजो राति मोटरसाईकल दुर्घटना हुँदा स्थानीय सुदिप चौधरीको निधन भएको छ । गाईघाट कदमाहा सडक खण्डमा राति ९ः०० बजे प्रदेश १–०२–०४४ प ८८९३ नं. को मोटरसाईकल दुर्घटनामा पर्दा घाईते भएका त्रियुगा ६ का २५ वर्षीय चौधरीको निधन भएको हो ।
३ जना सवार बुलेट मोटरसाईकल आफै अनियन्त्रित भई दुर्घटना हुँदा गम्भीर घाईते चौधरीको उपचारको क्रममा जिल्ला अस्पताल गाईघाटमा आईतबार विहान १ः०० बजे मृत्यु भएको प्रहरीले जनाएको छ । उनीसँगै घाईते त्रियुगा ६ कै २२ वर्षीय पंकज चौधरी र सोही ठाउँका २७ वर्षीय मुकेश चौधरीलाई जिल्ला अस्पतालमा उपचार संभव नभएपछि बिराटनगर रेफर गरिएको छ ।
उनीहरुको अवस्थामा सुधार भईरहेको परिवारलाई उद्धृत गर्दै स्थानीय रमाकान्त चौधरीले बताएका छन् । मृतकको शव जिल्ला अस्पतालमा पोष्टमार्टमपछि आफन्तलाई बुझाइएको छ भने दुर्घटनाबारे अनुसन्धन भईरहेको जिल्ला प्रहरी कार्यालय उदयपुरले जनाएको छ ।
