१
२0८0 बैशाख २९ शुक्रबार
उदयपुर वैशाख २९
त्रियुगा नगर उपप्रमुख महेश्वरी राईले गरिव तथा बिपन्न गाउँ बस्तीबासीलाई उज्यालो दिएकी छिन् । उपमेयर राईले ‘जनतासँगउपमेयर कार्यक्रम’ अन्तर्गत आर्थिक अवस्था कमजोर भएका त्रियुगा नगरपालिका १४ साउने भैसेट्याम्केका २४ घरधुरी स्थानीयलाई निःशूल्क विद्युत जडान गरिदिएकी हुन् ।
नगरपालिकाद्वारा सञ्चालित ‘उज्यालो गाउँ अभियान अन्तर्गत उपमेयर राईले उनीहरुलाई निःशूल्क मिटरबक्सलगायत बिद्युतीय सामग्री सहयोग गरेपछि गाउँ उज्यालो भएको छ । साउनेलगायत निपाने आसपास भैँसेट्याम्केमा पनि केहीवर्षऋघि नै विद्युत बिस्तार भईसके पनि आर्थिक अवस्था कमजोर भएकै कारण उनीहरु अध्याँरोमा बस्न बाध्य थिए ।
यस्तो समस्याबारे वडाध्यक्ष हिमराज मगरबाट जानकारी आएपछि उपमेयर राईले तत्काल त्यहाँ विद्युत विस्तारको कार्यक्रम ल्याएको बताईन् । नगरसभाले छुट्याएको वजेट अन्तिम चरणमा पुगिसकेको भए पनि विद्युत बाल्न नपाएको समस्याबारे जानकारी पाएपछि तत्काल संबोधन गर्दै उज्यालो बालिदिएको उनले बताईन् ।
उपमेयर राईले शुक्रबार सो बस्तीमा विद्युत उद्घाटन गरेसँगै गाउँ उज्यालो भएको छ । स्थानीय सरकार छ भन्ने देखाउन पनि जनताको जल्दोबल्दो समस्या तत्काल संबोधन गर्नुपर्ने आफ्नो धारणा अनुसार सो कार्य गरिएको उनले बताईन् । तत्काललाई विद्युत सेवा उपपलब्ध गराइएको र बाँकी समस्याहरु बिस्तारै समाधान गर्दै लाने प्रतिबद्धता उनले जनाएकी छिन् ।
