१
२0८0 बैशाख २६ मंगलवार
उदयपुर वैशाख २६
मंगलबारदेखि सुरु भएको माध्यमिक तह कक्षा १२ को अन्तिम परीक्षा शान्तिपूर्ण तवरले सुरु भएको जिल्ला शिक्षा तथा समन्वय इकाई कार्यालय उदयपुरले जनाएको छ ।
जिल्लाका बिभिन्न विद्यालयमा १६ वटा केन्द्र तोकेर परीक्षा सञ्चालन थालिएको इकाई प्रमुख बाबुराम पोखरेलले बताए । उनका अनुसार उदयपुरमा नगरपालिकातर्फ सदरमुकाम त्रियुगा नमूना माविसहित त्रियुगामा ७, चौदण्डीगढीमा ३,, बेलका र कटारीमा २÷२ वटा केन्द्र तोकेर परीक्षा सञ्चालन गरिदैछ । त्यसैगरी गाउँपालिकातर्फ उदयपुरगढी र रौतामाईमा १÷१ वटा केन्द्र छन् ।
ताप्ली र लिम्चुङबुङ गाउँपालिकामा भने केन्द्र राखिएको छैन । पहाडी भेगका विद्यालयहरुमा आवश्यक पूर्वााधारको अभाव तथा सुरक्षा व्यवस्थामा चुनौति देखिएकाले सहर केन्द्रित केन्द्र राखेर परीक्षा लिने काम भईरहेको इकाई प्रमुख पोखरेलले बताए । त्रियुगामा नमूना माविसँगै त्रियुगा जनता बहुमुखी क्याम्पस मोतिगडा, रामजानकी मावि मोतिगडा, अम्बेबर मावि राजाबास, जनज्योति मावि चुहाडे, राष्ट्रिय मावि बगाहा र जनता मावि देउरीमा केन्द्र राखिएको छ ।
त्यस्तै चौदण्डीगढी नगरपालिकाका नारद आर्श मावि बसाहा, ज्योति मावि बेलटार र थानपोखरी मावि हडिया, कटारी नगरपालिकाको त्रिबेणी नमूना मावि कटारी र जनता मावि गुराँसे त्रिबेणीमा केन्द्र राखिएको छ । त्यस्तै बेलका नगरपालिकाको कोसी मावि रामपुर र जनता मावि गुरुङचौरीमा केन्द्र तोकिएको छ । उता रौतामाई गाउँपालिकाको रौता मावि मुर्कुची र उदयपुरगढीको पञ्चावती मावि गढीमा केन्द्र तोकिएको छ ।
यसवर्षको परीक्षामा नियमिततर्फ ४ हजार ३ सय १५ र आंशिकतर्फ १ हजार १ सय ३८ जनाको सहभागिता रहेको इकाईका अधिकृत अर्जुन कार्कीले बताए । कार्कीका अनुसार सबै केन्द्रमा सोही विद्यालयका प्रधानाध्यापकलाई केन्द्राध्यक्षको जिम्मेबारी दिइएको छ ।
