१
२0८0 बैशाख २0 बुधबार
उदयपुर, वैशाख २०
गाईघाटमा जारी ‘प्रथम त्रियुगा उपमेयर गोल्डकप महिला फुटबल प्रतियोगितामा भाफा फाईनल प्रवेश गरेको छ । बुधबार भएको पहिलो सेमिफाईनल खेलमा अल इन वान झापाले माउण्ट एभरेस्ट स्पोर्टिङ क्लब सुनसरीलाई ९–१ गोलको फराकिलो अन्तरले पराजित गर्दै फाईनलमा प्रवेश गरेको हो ।
स्थानीय थरुहट उदयपुृर रंगशालामा भईरहेको खेलमा झापाकी रजनी थोकर एक्लैले समूहका लागि ४ गोल गरेकी थिईन् । त्यसैगरी सबिता रानामगरले ३ गोल गर्दा ममता राउत र इशा राना मगरले थप गोल गरेर टिमलाई सर्वाधिक गोलसहित फाईनलमा पुर्याएका ह्ुन् । खेलको म्यान अफ द म्याच उपाधि सुनसरीकी बिनिता राईले पाईन् ।
बिहीबार हुने अन्तिम सेमिफाईनलमा नमोबृद्ध युथ क्लब सप्तरी र पिएसडब्लु क्लब मोरङबीच प्रतिस्पर्धा हुने आयोजक अखिल नेपाल फुटबल संघ (एन्फा) उदयपुरले जनाएको छ । एन्फा अध्यक्ष रञ्जन कार्कीका अनुसार प्रतियोगिता विजेता टिमलाई १ लाख नगदसहित ट्रफि र प्रमाणपत्र प्रदान गरिने छ । उपविजेताले ५० हजार नगदसहित पुरस्कार पाउनेछ ।
त्रियुगा नगरपालिका ‘जनतासँग उपमेयर कार्यक्रम’को सहयोगमा नगर युवा तथा खेलकुद विकास समितिको समन्वयमा प्रतियोगिता आयोजना गरिएको हो । प्रतियोगिताको फाईनल खेल आउँदो २३ गते हुने खेलकुद समितिका अध्यक्ष विजयकुमार सिंहले बताएका छन् ।
