१
२0८0 बैशाख २0 बुधबार
उदयपुर वैशाख २०
\गत शुक्रबारदेखि सदरमुकाम गाईघाटमा जारी ‘प्रथम त्रियुगा उपमेयर गोल्डकप महिला फुटबल प्रतियोगिता ं०८०’को सेमिफाईल खेल आजदेखि सुरु हुँदै छ । अघिल्लो दिनसम्म चलेको क्वाटरफाईल खेल सकिएसँगै आजदेखि सेमिफाईनल सुरु लागेको हो ।
आज दिउसो हुने पहिलो सेमिफाईनल खेलमा माउण्ट एभरेन्ट स्पोटिङक क्लब सुनसरी र अल इन वान झापाबीच प्रतिस्पर्धा हुनेछ । त्यसैगरी भोलिको खेलमा पिएसडब्लु क्लब मोरङ र नमोबुद्ध युथ क्लब सप्तरीबीच भिडन्त हुने आयोजक अखिल अखिल नेपाल फुपटबल संघ (एन्फा) उदयपुरले जनाएको छ ।
गाईघाटस्थित थरुहट उदयपुर रंगशालामा भईरहेको प्रतियोगिता अन्तिम क्लाटरफाईनल खेलमा झापाद्वारा सुनसरीको डिडब्लुएफ क्लब धरान, दोस्रो दिन नमोबुद्ध सप्तरीद्वार हेटौँडा फुटबल एकेडेमी मकवानपुर र उद्घाटनका दिन सुनसरीद्वार बागमति युवा क्लब सर्लाही पराजित भएका थिए ।
एन्फाका अध्यक्ष रञ्जन कार्कीका अनुसार प्रतियोगिताको फाईनल खेल आगामी २३ गते शनिबार हुनेछ । त्रियुगा नगरपालिकाको ‘जनतासँग उपमेयर कार्यक्रम’ अन्तर्गत नगर युवा तथा खेलकुद विकास समितिको समन्वयमा आयोजित प्रतियोगिताको वजेताले ट्रफिसहित १ लाख नगद पुरस्कार पाउनेछ । उपविजेताले ५० हजार नगदसहित मेडल र प्रमाणपत्र पाउनेछ ।
बिधागततर्फ पनि बिभिन्न पुरस्कारहरु बितरण गर्ने कार्यक्रम रहेको नगर युवा तथा खेलकुद विकास समितिका अध्यक्ष विजयकुमार सिंहले बताए ।
