१
२0७९ माघ २९ आईतवार
उदयपुर, माघ २९
नेकपा (माओबादी केन्द्र) निकट कर्मचारीहरुको संस्था ‘नेपाल राष्ट्रिय कर्मचारी संगठन निजामति उदयपुर’को पाँचौ जिल्ला अधिवेशनले अध्यक्षमा रीतकुमार राउतलाई चयन गरेको छ । शनिबार अवेर सम्पन्न अधिवेशनको बन्दसत्रले राउतको अध्यक्षतामा ३१ सदस्यीय नयाँ कार्य समितिको चयन गरेको हो ।
नवगठित समितिमा १ महिलासहित ३ उपाध्यक्ष रहेका छन् । जसमा क्रमशः तिलक नेपाली, बिबेक आचार्य र ज्योति राई छन् । सचिवमा लक्ष्मण दनुवार, सहसचिव चुडामणि थापा र कोषाध्यक्ष पारश फुयाल छानिएको निर्वाचन समिति सदस्य ताराकिरण राईले बताए ।
सदस्यमा हिमाल दनुवार, ज्ञानेन्द्र राई, विष्णु तामाङ, रेवत कार्की, होमबहादुर मगर, पारु राई, पार्बता घिमिरे, सन्दीप राई, परमानन्द्र राजधामी, लोकबहादुर राई, सञ्जु राई, ममता ठकुरी, सुरज राई र मानबहादुर श्रेष्ठ छानिएका छन् । त्यस्तै, सरोज राई, ढकप्रसाद चौधरी, कोपिला मगर, तनु राई, कुन्ता थापामगर, सुशीला राई देवपुजन यादव, सम्राट बुढाथोकी, अमित साउद र रोशन थापामगर पनि सदस्य चयन भएका छन् । कार्यसमितिले थप २ जना सदस्य बैठकबाट मनोनित गर्ने वैधानिक प्रावधान रहेको छ ।
बन्द सत्रले केन्द्रीय प्रतिनिधिमा नेत्रराज भण्डारी र रमेश राईलाई चयन गरेको छ भने ३ जना प्रदेश प्रतिनिधिमा ताराकिरण राई, कृषण् घिमिरे र नमिता निरौला तामाङलाई छानेको छ । कार्यसमिति बैठकले थप ४ जना प्रदेश प्रतिनिधि चयन गर्ने पनि निर्वाचन समितिले जनाएको छ ।
नवगठित समितिलाई निर्वाचन समिति संयोजक तथा राष्ट्रिय कर्मचारी महासंघ, प्रदेश इन्चार्ज नरमाया भट्टराई (गरिमा) ले आईतबार विहान सपथ खुवाएकी छन् । कार्यक्रममा सर्लाही सरुवा भएर गएका निवर्तमान अध्यक्ष हरिबहादुर श्रेष्ठले संगठनलाई पुर्याएको योगदानको उच्च मूल्यांकन गर्दै सधन्यबाद बिदाई गरेको नवनिर्वाचित अध्यक्ष राउतले बताए ।
अध्यक्ष राउतले कर्मचारी संगठनलाई सशक्त र प्रभावकारी संगठनको रुपमा विकास गर्दै जनमैत्री सेवामा समर्पित हुने बताए । उनले आफु नेतृत्वको संगठनले पेशागत मर्यादा कायम राख्दै व्यवसायिक हकहितमा केन्द्रित भएर अघि बढाउने प्रतिबद्धता पनि जनाएका छन् ।
