१
२0७९ मंसिर २९ बिहीबार
उदयपुर, मंसिर २९
नेपाल निर्माण व्यवसायी संघ उदयपुरको दशौं सधारणसभा तथा आठौँ जिल्ला अधिवेशनले कौशल आचार्यलाई पुनः अध्यक्ष चयन गरेको छ । बुधबार सदरमुकाम गाईघाटमा सुरु भएर बिहीकार सम्पन्न भएको अधिवेशनको बन्द शत्रले आचार्यलाई अर्को कालकायलका लागि अध्यक्षमा चयन गरेको हो ।
“पूर्वाधार बिकास राष्ट्र निर्माणको आधार बनौं सर्वपक्ष जिम्मेवार” भन्ने मुल नाराका साथ नवगठित २१ सदस्यीय कार्यसमितिको ३ उपाध्यक्षमा क्रमशः सुनिल कार्की, सुवास भट्टराई र वीरेन्द्र खड्का निर्वाचित भएका छन् । महासचिवमा सुदिप दाहाल, सचिव कुलबहादुर राउत, कोषाध्यक्ष अश्वीन खड्का र सहकोषाध्यक्ष भूवन खड्का छानिएका छन् ।
अधिवेशनले सदस्यमा एकबहादुर कार्की, उद्वव बहादुर खत्री, सीता बस्नेत, मन्दिप राई, बिनोद थापा, एल्वीन बस्नेत, गणेश राई, राकेश खत्री, अनिल खड्का, प्रमोद पोखरेल, सुनिल शाह, हेम दाहाल र अनिल आचार्यलाई छाडेको छ । उनीहरु सबै सर्वसम्मत चयन भएका हुन ।
निर्वाचन संयोजक प्रकाश बस्नेतका अनुसार समितिमा अध्यक्ष र सहकोषाध्यक्षबाहेक सबै सर्वसम्मत चयन भएका हुन् । अध्यक्ष र सहकोषाध्यक्षका आकांक्षी २–२ जना भएपछि सर्वसम्मत समिति गठनका लागि पटक पटक छलफल चलाइए पनि संभव नभएपछि चुनावी प्रक्रिया अपनाउनु परेको बस्नेतले बताए ।
सर्वसम्मत गर्ने प्रयास असफल भएपछि लोकतान्त्रिक बिधी अपनाएर चुनावी प्रतिस्पर्धा गराउँदा आचार्य र प्रेम तिम्सीनाबीच प्रतिस्पर्धा भएको थियो । निर्वाचन गराउँदा १ सय ३६ मत पाएर आचार्य विजयी भए् भने अर्का प्रत्यासी तिम्सीनालाई ५९ मत परेको बस्नेतले बताए ।
त्यसैगरी सहकोषाध्यक्षमा भिडेका तुलबहादुर आलेमगर र भुवन खड्कामध्ये आले ६४ मत पाएर पराजित भए । उता खड्काले १ सय २० मत पाएर सहकोषाध्यक्षमा बाजी मार्न सफल भएको निर्वाचन समितिले जनाएको छ ।
