१
२0७९ मंसिर १५ बिहीबार
बिरेन्द्रप्रसाद नेपाल
लहान मंसिर १५
लाहान नगरपालिकाका मोतियाबिन्दुका रोगीले निशूल्क उपचार पाउने भएका छन् । बिहीबार नगरप्रमुख महेशप्रसाद चौधरी र चौधरी आँखा अस्पताल सञ्चालक पद्मनाराण चौधरीबीच सम्झौता भएसँगै नगरबासी मोतियाबिन्दु रोगीले निशूल्क उपचार पाउने भएका हुन् ।
नगरपालिकाभित्रका मोतियाबिन्दु बिरामीलाई निशूल्क उपचार गराउन मेयर चौधरीलरे अस्प्ताललाई आग्रह गरे अनुसार सम्झौता भएको हो । मेयर चौधरीको आग्रह अनुसार पूर्व सांसदसमेत रहेका अस्पताल सञ्चालक पद्मनारायण चौधरीले मोतियाबिन्दुका रोगीको निशूल्क शल्यक्रिया (अप्रेसन) गरिदिने भएका छन् ।
बिहीबार एक कार्यक्रमका बीच मेयर चौधरी, उपमेयार रामचलितर माहतो र पूर्व सांसद चौधरीबीचको सम्झौतापत्रमा हस्ताक्षर भएको छ । सम्झौतामा आँखा अस्पताल ब्यवस्थापन समितिको रोहबरमा नगरभित्र रहेका मोतियाबिन्दुका विरामीको निशूल्क अप्रेसन ग र्ने उल्लेख छ ।
‘अव लहान नगरपालिकाका कुनै पनि मोतियाबिन्दुका बिरामीले पैसा नतिरी उपचार पाउनेछन्’ सम्झौतापछि मेयर चौधरीले भने ‘त्यसका लागि नगरपालिका र अस्प्तालबीच सम्झौता भएको छ । सहयोगका लागि पूर्व सांसद पद्मनारायण चौधरीलाई धेरैधेरै धन्यबाद ।’
मेयर चौधरीका अनुसार नगरपालिकाले मोतिबिन्दुबाट हुने अन्धोपन हुनबाट रोक्न विभिन्न सचेतनामूलक कार्यक्रमहरु सञ्चालन गर्ने पनि बताए । सो क्रममा २४ वटा आंखा स्वास्थ्य शिविर सञ्चालन गरेर १ हजार मोतिबिन्दुका बिरामी पत्ता लगाएको छ ।
मोतियाबिन्दुको अप्रेसन गर्दा लाग्ने सेन्स, कन्जुमेबल्स तथा अन्य खर्चवापत प्रतिव्यक्ति २ हजार ५ सयका दरले लाग्ने खर्च नगरपालिकाले बेहोर्ने छ भने बिरामी निको भएर घर फर्कदा यातायात खर्च अस्पताल स्वयंले बेहोर्ने सम्झौतामा उल्लख छ ।
त्यस्तै नगरपालिकाले बिभिन्न ठाउँमा आँखा शिविर सञ्चालन गर्ने, पर्चा पम्प्लेट, माईकिङलगायत प्रचार प्रसार गर्ने, आँखा स्वास्थ्य शिक्षाबारे पत्रपत्रिका, एमफएम रेडियो र टेलिभिजन तथा अनलाइन पोर्टलहरुमा सन्देशमूलक विज्ञापन प्रकाशन प्रशारण गर्ने सम्झौता भएको छ ।
त्यसैगरी अस्पतालले शिविर सञ्चालन भएपछि त्यसको प्रतिबेदन नगरपालिकामा बुझाएपछि कबोल बमोजिम भुक्तानी दिने सम्झौता छ । आंखा शिविरमा विरामीलाई आवश्यक औषधी र चश्मा भने बिरामी स्वयंले किन्नुपर्ने छ ।
यो सम्झौता २०७९ साल मंसिर १५ गतेदेखि २०८० आषाढ १५ गतेसम्म लागू हुने सम्झौता भएको पनि मेयर चौधरीले बताए ।
