२
२0७९ आश्विन ११ मंगलवार
बसाहा, असोज ११
उदयपुरका ेबसाहामा जारी ‘नारदमुनी थुलुङ स्मृति गोल्डकप फुटबल प्रतियोगिता ०७९’ को मंगलबारको खेलमा चर्च ब्वाईज क्लब काठमाडौं विजयी भएको छ । चर्च ब्वाईजले घरेलु टिम बसाहा क्लबलाई पराजित गर्दै सेमिफाईनलमा प्रवेश भएको हो ।
चौदण्डीगढी नगरपालिका ४ बसाहास्थित नारदमुनि स्मृति खेलमैदानमा जारी प्रतियोगितामा टाईब्रेकरको आधारमा चर्च ब्वाईज ५–४ गोलको अन्तरले घरेलु टिमलाई पराजित गरी सेमिफाईनलको हकदार बन्न पुगेको हो ।
निर्धारित ९० मिनटको समय दुवैपक्षबाट गोलरहित सकिएपछि नतिजा निकाल्न टाईब्रेकरमा स्पर्धा गराउनु परेको आयोजक बसाहा क्लबले जनाएको छ । खेलको म्यान अफ दि म्याच बसाहा क्लबका कुमार खुलाल गुरुङ घोषित भए । उनलाई नगद र प्रमाणपत्रसहित पुरस्कृत गरियो ।
बुधबार हुने खेलमा एभिनियर क्लब क्यामरुन र डिटिसी सुनसरीबीच प्रतिस्पर्धा हुनेछ । प्रतियोगिताको एक मात्र विदेशी टिम एभिनिएर क्यामरुन बसाहा क्बलको इतिहासमा पहिलो हो । बुधबारदेखि पहिलो चरणको खेल समाप्त हुनेछ भने बिहीबारदेखि सेमिफाईनल खेल सुरु हुने छ ।
क्लबका पूर्व अध्यक्ष शेखर राईका अनुसार यसअघिका दुई खेलमा चारतारे मोरङ र भोजपुर फुपटब क्लब सेमिफाईनलमा प्रवेश पाईसकेका छन् । भोजपुरले सोमाबरको खेलमा गोर्खा स्पोर्टिङ क्लब झापांलाई पराजित गरेर सेमिफाईनलमा प्रवेश गरेको हो भने आईतबारको उद्घाटन खेलमा गोर्खा ब्वाईज स्पोर्ट क्लब रुपन्देहीलाई हराउँदै मोरङले तारतारे क्लब सेमिफाईनलमा पसेको हो ।
विजेतालाई ४ लाख नगदसहित ट्रफि र प्रमाणपत्र प्रदान गरिने प्रतियोगिताको उपविजेताले २ लाख नगदसहित प्रमाणपत्र पाउने छ । अन्य बिबिन्न बिधागत पुरस्कारको पनि व्यवस्था गरिएको प्रतियोगिताको फाईनल खेल आउँदो १६ गते हुने प्रतियोगिताका खेल संयोजक भूपेन्द्र राईले बताएका छन् ।
