२
२0७९ जेष्ठ २७ शुक्रबार
उदयपुर
बेलटार बजारमा गएराति एउटा घरमा आगलागी हुँदा घर र घरमा रहेको पसल
जलेर नष्ट भएको छ । बिहीबार राति ८ः४५ बजे विद्युत सर्ट भएर लागेको आगोले चौदण्डीगढी नगरपालिका ७ बेलटारस्थित रामचन्द्र बस्नेतको घर र घरमा रहेको पसल जलेर नष्ट भएको हो ।
आगोले घर र घरभित्र रहेका लत्ताकपडा, भाँडाकुँडा, फेन्सी कपडा र जुत्ता चप्पल सबै जलेर भस्म भएको इलाका प्रहरी कार्यालय कटारीले जनाएको छ । इप्रका बेलटारलाई उद्धृत गर्दै जिल्ला प्रहरीले जनाए अनुसार आगलागीबाट १० लाख बराबरको क्षेति भएको छ ।
नगरपालिकाको दमकल, इलाका प्रहरी कार्यालय बेलटारबाट खटेको टोली र स्थानीयबासीको सहयोगमा आगो झण्डै ३ घण्टापछि नियन्त्रणमा लिइएको थियो । घट्नाबारे विस्तृत अनुसन्धान भईरहेको जिल्ला प्रहरी प्रवक्ता डिएसपी सन्तोष आचार्यले बताएका छन् ।
