२
२0७९ जेष्ठ १३ शुक्रबार
उदयपुर
त्रियुगा नगरपालिका १३ को वडाध्यमा नेपाली काँग्रेसका नविन चौधरी विजयी भएका छन् । शुक्रबार विहान घोषित नतिजा अनुसार चौधरीले ९ सय ६० मत प्राप्त गरी विजयी भएका हुन् ।
उनका निकटम प्रतिद्वन्द्वी नेकपा (एमाले)का रामप्रसाद कट्टेललाई ९ सय २३ मत परेको छ भन नेकपा (एकीकृत समाजबादी) की पशुपति चौधरीले ३ सय ८१ मत पाएकी छिन् । उनी यसअघिकी वडाध्यक्ष हुन् ।
उता वडा नं. ३ मा पनि काँग्रेसकै तिलक कटुवाल विजयको सम्मुख भईसकेका छन् । उनले एमालेका धर्म तामाङभन्दा १ सय ८२ मतले पछि पार्दै ९ सय ४३ मत ल्याईरहेका छन् । तामाङलाई ७ सय ५ मत पर्दैगर्दा एकीकृत समाजबादीका अवधेशप्रसाद चौधरीले भने ४ सय ४० तथा राप्रपाका रामबहादुर श्रेष्ठले १ सय ३ मत पाईरहेका छन् । चौधरी पनि यसअघिकै वडाध्यक्ष हुन् ।
मेयरमा काँग्रेसकै बसन्त बस्नेत ६ हजार २ सय २६ मत लिएर निकटन प्रतिद्वन्द्वी बलदेव चौधरीभन्दा ९ सय ५० मतले अघि छन् । एमालेका भागवत राउतभन्दा १ हजार ६ सय ३३ मत बढी बस्नेतलाई परेको छ । चौधरीले ५ हजार २ सय ७६ मत पाईरहदा राउतले ४ हजार ६ सय ९३ मत पाईरहेका छन् ।
त्यसैगरी उपमेयरमा पनि काँग्रेसकै सरिता राईले ५ हजार ६ सय ३१ मत पाएर अग्रता कायम राखेकी छिन् । उनलाई एमालेकी महेश्वरी राईले ६ हजार २ सय ३० ले पछ्र्यइरहेकी छिन् भने माओबादीकी गीता खड्का कार्कीले ४ हजार ७९ मत पाईरहेकी छिन् ।
३८ हजार ४ सय ५ मत खसेको त्रियुगामा १, २, ३ र १३, १४, १५ तथा १६ नं. को मत गणना सकिएको छ भने ४ र ५ को गणना भईरहेको छ । अव ६, ७, ८, ९, १०, ११ र १२ नं. को गन्न बाँकी छ । हालसम्म १, ३ र १३ मा काँग्रेसले वडाध्यक्ष जित्दा १४, १५ र १६ मा माओबादी केन्द्रले जितेको छ भने २ नं. मा एमालेले विरुवा रोपिरहेको छ ।
हालसम्म १७ हजार ४ सय १४ मत मात्र गणना भईरहेको त्रियुगामा घना मत खसेको गाईघाट क्षेत्रका वडा नं. १० बोक्से ११ बजार र १२ पुरानो गाईघाटको गणना नभएसम्म कसको पोल्टामा के पर्छ भन्न सक्ने अवस्था छैन ।
