२
२0७९ बैशाख २२ बिहीबार
उदयपुर
'कसैलाई केको धन्धा, घर ज्वाँईलाई खानकै धन्दा' भन्ने उखान अनुसार सबै चुनावी अभियानमा व्यस्त भएका बेला यहाँका एक युवा बलात्कारजस्तो जघन्य अपराधमा मस्त देखिए । त्यसमाथि बोल्न नसक्ने अपाङ्गता बालिकालाई बलात्कार गर्न पुगेछन् ।
बालिका बलात्कार आरोपमा पक्राउ पर्ने युवा त्रियुगा नगरपालिका ३ स्थित त्रियुगा बसपाक बस्ने २८ वर्षीय राजन राउत हुन् । उनीमाथि बसपार्कमै बस्ने मुख नलाग्ने १६ वर्षीया अपाङ्गता बालिकालाई बलात्कार गरेको आरोप प्रहरीको छ ।
मंगलबार राति ८ः०० बजेको समयमा बालिकामाथि बलात्कार भएको भन्दै पीडित परिवारले जाहेरी दिए अनुसार राउतलाई पक्राउ गरिएको जिल्ला प्रहरी कार्यालय उदयपुरले जनाएको छ । उनलाई अदालतबाट ५ दिनको म्याद थपेर अनुसन्धान सुरु भएको प्रहरी भनाई छ ।
पक्राउ परेका राउतको स्थायी घर खोटाङ भएको प्रहरीले जनाएको छ । उनी केही समययता बसपार्कमै अस्थायी बसोबास गर्दै आएको जिल्ला प्रहरी सूचना अधिकारी सन्तोष आचार्यले बताए ।
