२
२0७९ बैशाख ९ शुक्रबार
-सुरज राई
उठौं युवा हो लौ, जुटौं युवा हो,
समाजको मुहार फेर्ने हाम्रो जिम्मा हो
लेक जाऔं ईनामे र लेखगाउँ कति सुन्दर
वेँसी झरौं सुन्दर फाँट हाम्रै रुपाटार,
उठौं युवा हो लौ, जुटौं युवा हो,
विकासको मूल फोर्ने हाम्रै युगमा हो ।
ओख्ले अनि ठानागाउँले प्रश्न गर्दैछन्
हाम्रो समाज रुपान्तरण कस्ले गर्नेहुन् ?
उठौं युवा हो लौ, जुटौं युवा हो,
सचेत समाज निर्माण गर्ने हाम्रो जिम्मा हो ।
राजनीतिलाई पेशा ठान्ने सामन्तका नाईके,
तिनकै कारण समाज विकास रोकिएछ भन्थे
उठौं युवा हो लौ, जुटौं युवा हो,
सामन्तको किल्ला ढाल्ने हाम्रै जिम्मा हो ।
संविधानलाई अक्षरसः व्यवहारमा ढाल्न,
समाजवादको बाटो पहिल्याई सामन्तवाद फाल्न,
उठौं युवा हो लौ, जुटौं युवा हो,
नयाँ युगको थालनी गर्ने हाम्रो जिम्मा हो ।
ताप्ली, ४, उदयपुर, (हाल दक्षिण कोरिया रहेका कवि राईले ताप्ली गाउँपालिकालाई केन्द्रित गरी लेखेको सिर्जना हो ।)
