२
२0७८ चैत्र २७ आईतवार
उदयपुर, चैत २७
नेकपा (माओबादी केन्द्र) निकट एकीकृत अखिल नेपाल शिक्षक संगठन उदयपुरको अध्यक्षमा राधारमण खतिवडा चयन भएका छन् । संगठनको शनिबार गाईघाटमा सम्पन्न विस्तारित बैठकबाट खतिवडाको अध्यक्षतामा नयाँ कमिटी गठन भएको हो ।
कमिटीको वरिष्ट उपाध्यक्षमा देवीबहादुर राई चयन हुँदा अन्य ५ जना
पाध्यक्ष छानिएका छन् । उपाध्यक्ष हुनेमा क्रमशः माधवबहादुर राउत, देवेन्द्र रायमाझी, दिलमाया बस्नेत, रुद्र पोखरेल र शिवराम राई रहेको निर्वाचन समितिले जनाएको छ । त्यसैगरी पदमबहादुर कार्की सचिव, मिलन लो तामाङ र बाबुराम बजगाई सहसचिव तथा बालकृष्ण काफ्ले अर्थ सहसचिवमा चयन भएका छन् ।
सदरमुकाम गाईघाटस्थित होटल टाउनहलको सभाकक्षमा सम्पन्न भेलालले गठन गरेको ३९ सदस्यीय कमिटीमा बाँकी सदस्य रहेका छन् । जिल्लाभरका सामुदायिक तथा सरकारी विद्यालयमा कार्यरत शिक्षकहरुको भेलाले जिल्ला कमिटी गठन गरेको हो । केही महिनाअघि नै अधिवेशन सकिएको भए पनि पदाधिकारी चयन गर्न बाँकी रहेको कमिटीलाई शनिबारको बैठकले पूर्णता दिएको हो ।
नवगठित कमिटीमा आबद्ध शिक्षकहरुलाई गुणस्तरीय शिक्षा र बालबालिकको शैक्षिक हक अधिकारमा केन्द्रित हुन पार्टीले निर्देशन दिएके छ । साथै आगामी आसन्न स्थानीयतह निर्वाचनमा माओबादीलगायत गठबन्धन दलहरुलाई मतदान गर्ने वातावरण मिलाउन पनि पार्टीले कमिटीलाई आग्रह गरेको छ ।
