२
२0७८ माघ २७ बिहीबार
उदयपुर
जन्ती बोकेको ट्याक्टर दुर्घटना हुँदा एक युवकको ज्यान गएको छ । बिहीबार विहान १० वजे मदन भण्डारी लोकमार्गअन्तर्गत उदयपुरगढी गाउँपालिका ७ नागबेलीको घुुम्तीमा दुर्घटना हुँदा त्रियुगा नगरपालिका १४ साउनेका १९ वर्षीय मिलन मग्रातीको निधन भएको हो ।
प्रहरीका अनसार िित्रयुगा नगरपालिका १६ रातापानीबाट उदयपुरगढीको धप्परतर्फ जाँदै गरेको जन्ती बोकेको प्र २–०१–००१ त १०९६ नं. को ट्याक्टर घुम्तीमा अनियन्त्रित भई दुर्घटनामा पर्दा १९ वर्षीय मग्रातीको घटुनास्थलमै निधन भएको हो ।
दुर्घटनामा परी १९ जन्ती घाईते हुँदा बेहुला धीरेन रोक्का भने सकुशल रहेको जिल्ला प्रहरी कार्यालय उदयपुरले जनाएको छ । प्रहरी चौकी नेपालटार, मुर्कुची र जिल्ला प्रहरी कार्यालयबाट खटेको इन्सपेक्टर कमाण्डको संयुक्त टोलीले घाईतेहरुको उद्धार गरी उपचारार्थ जिल्ला अस्पताल गाईघाट ल्याइएको छ ।
घाईतेमध्ये केहीको अवस्था गम्भीर रहेकाले बिराटनगर रिफर गरिएको छ । गम्भीर घाईतेहरु रौतामाई ७ की १८ वर्षीया इस्मीता अछामे, त्रियुगा १४ का २२ वर्षीय दिपेन सुयल र त्रियुगा १६ कै २६ वर्षीय सागर कोईरालालाई बिराटनगर रिफर गरिएको त्रियुगा १६ नं. वडाध्यक्ष मानबहादुर राईले बताए ।
वडाध्यक्ष राईका अन्ुसार अन्य दुईजनाको अवस्था पनि गम्भीर रहेकाले रिफर गर्ने तयारी भईरहेको छ । मृतकको शव पोष्टमार्टमका लागि प्रहरीले कानुनी प्रक्रिया सुरु भएको जनाएको छ । चालक फरार रहेकाले खोजी कार्य भईरहेको छ भने ट्याक्टर घट्नास्थलमै रहेको प्रहरीले जनाएको छ ।
