जिल्लाभर माओबादीनिकट अखिल शिक्षक संगठन सम्मेलन

३

उदयपुर

नेपाल कम्युनिष्ट पार्टी (माओबादी केन्द्र) निकट एकीकृत अखिल नेपाल शिक्षक संगठनको शनिबार जिल्लाव्यापी सम्मेलन सम्पन्न भएको छ । जिल्लाका ८ वटै स्थानीयतहमा एकै दिन सम्पन्न गर्ने केन्द्रीय निर्देशन अनुसार शनिबार ४ नगर र ४ गाउँपालिका सबैमा सम्मेलन आायोजना गरिएको हो । 

जस अनुसार लिमचुङब्ङ गाउँपालिकास्तरीय सम्मेलनले ११ सदस्यीय नयाँ कार्यसमिति चयन गरेको छ । संगठनका प्रदेश नं. १ अध्यक्ष खड्ग थापामगरको प्रमुख आतिथ्यतामा सम्पन्न दोस्रो गाउँ सम्मेलनले शिवराम राईको अध्यक्षतामा नयाँ कमिटी गठन गरेको हो । 

समाबेशी सहभागिताका आधारमा चयन भएको १३ सदस्यीय कमिटीमा वरिष्ट उपाध्यक्ष पुन्नबहादुर खत्री र उपाध्यक्षद्वयमा मुना राई र मानबहादुर कार्की छानिएका छन् । त्यस्तै सचिव राजन राउत, अर्थ सचिव चित्र कार्की र सहसचिव नरबहादुर परियार छानिएको निर्वाचन समितिले जनाएको छ  । 

नवगठित समितिमा चक्र राई, अमर खत्री, रमेशकुमार मगर, खिलराज राई, सुबासकुमार राई र बबिना राई सदस्य चयन भएको नेकपा (माओबादी केन्द्र) लिमचुङबुङ कमिटीका अध्यक्ष होम किरातील्े बताए ।
 

त्यसैगरी अर्को गाउँपालिका ताप्लीमा पनि शनिबारै सम्पन्न सम्मेलनले शिबराज भुजेलको अध्यक्षतामा ११ सदस्यीय नयाँ कमिटी गठन गरेको छ । कमिटीमा महिला उपाध्यक्ष चिनीकुमारी ठकुरी र उपाध्यक्ष रमेशकुमार मगरलाई छानिएको छ । सचिव युवारज विक, सहसचिव बेदबहादुर मगर, अर्थसचिव पुस्कल मगर र कोषाध्यक्ष अनुका तिम्सिना छानिएका छन् । 

सम्मेलनले मोहन बुढाथोकी, मिलन तामाङ, शेरजन ठकुरी र रुक्मिणी राउतलाई जिल्ला प्रतिनिधिमा चयन गरेको निवर्तमान अध्यक्ष मिलन लो तामाङले बताएका छन् । 

उता शनिबारै भएको कटारी नगर अधिबेशनबाट अध्यक्षमा .पदमबहदुर कार्की नेतृत्वमा बरिस्ट उपाध्यक्ष र दुई उपाध्यक्षसहित २० सदस्यीय एकीकृत अखिल नेपाल शिक्षक संगठन कटारी गठन भएको छ । 

वरिष्ट उपाध्यक्ष्मा श्याम पंण्डित, महिला उपाध्यक्षमा अरुणाकुमारी तामाङ, उपाध्यक्षमा रामानुज यादव छानिएका छन् । त्यसैगरी सचिवमा अर्जुन कार्की, अर्थ सचिवमा दिपक श्रेष्ठ र सहसचिव चित्र राउत चयन भएको नेकपा (माओबादी केन्द्र) कटारी नगर कमिटी अध्यक्ष मणिराज दाहालले बताएका छन् ।