२
२0७८ आश्विन २0 बुधबार
उदयपुर
जिल्ला प्रहरी कार्यालय उदयपुरका प्रवक्ता डिएसपी बेदप्रसाद गौतम यसवर्षको प्रदेश प्रहरीतर्फ उत्कृष्ट अनुसनधान अधिकृत सावित भएका छन् । गौतमलाई अपराध अनुसन्धानतर्फ १ नं. प्रदेशभरीकै उत्कृष्ट अधिकृतको पुरस्कारद्वारा सम्मान गरिएको छ ।
डिएसप् गौतमलाई प्रदेश प्रहरीले ६६ औं प्रहरी दिवसको अवससरमा उत्कृष्ट प्ररीको उपाधिसहित पुरस्कार र सम्मान दिएको छ । प्रदेश प्रहरी कार्यालय विराटनगरले डिएसपी गौतमलाई अनुसन्धानतर्फ उत्कृष्ट कार्य गरेको भन्दै पुरस्कृत गरेको हो ।
झण्डै एकवर्षयता उदयपुरमा कार्यरत रहेका डिएसपी गौतमले केही समयअघि जिल्ला प्रहरी कार्यालय उदयपुरले पनि उत्कृष्ट प्रहरीको रुपमा पुरस्कयत गरेको थियो ।
गौतमले विभागीय मूल्य–मान्यता, आदेश–निर्देशनको अक्षरशः पालना गर्दै कर्तव्यनिष्ट, लगनसिल
र व्यवसायिक भएर प्रहरी संगठनको गरिमा राखेको तथा समाजमा शान्ति सुरक्षा र अमनचयन कायम गर्न महत्वपूर्ण भूमिका निर्वाह गरेवापत पुरस्कृत गरिएको प्रदेश प्रहरीले जनाएको छ ।
प्रहरी संगठनको मूल्य मान्यता र नीति अनुसार माथिल्लो निकायले दिएको निर्देशन उच्च मनोबल र साहसका साथ पालना गर्दै कर्तब्य निर्वाह गरेको आधारमा जिल्लादेखि प्रदेशसम्म उत्कृष्ट हुन गौतम सफल भएका हुन् ।
