२
२0७८ आश्विन १३ बुधबार
उदयपुर, असोज १३
थारु समुदायको महान् चाड जितीयाको अवसरमा सदरमुकाम गाईघाटस्थित थरुहट उदयपुर रंगशालामा जितीया महोत्सव बुधबारदेखि सुरु भएको छ । थारु कल्याणकारीणी सभा उदयपुरको आयोजना र त्रियुगा नगरपालिकाको प्रायोजनमा सुरु महोत्सवमा बाक्लो जनसहभागिता भएको छ ।
बुधबारदेखि सुरु आउँदो ३ दिनसम्म चल्ने सांस्कृतिक तथा सांगीतिक महोत्सवमा चर्चित गायक गायिकाहरु अनु चौधरी, नरेश जोगी, अनुजा चौधरी, आरसी चौधरी, रेन चौधरी, विजय चौधरीलगायतको प्रस्तुति रहने कल्याणकारीणी सभाका अध्यक्ष शिवकान्त चौधरीले बताए । त्यस्तै चर्चित रंगकर्मी कलाकार तथा निर्देशक प्रदिपकुमार चौधरीले पनि विशेष प्रस्तुति दिनेछन् ।
थारु पहिचान र परिकारसहितको महोत्सव त्रियुगा नगरपालिकाको सहयोग र बिभिन्न संघसंस्थाको प्रायोजनमा आयोजना गरिएको सभाले जनाएको छ । महोत्सवको उद्घाटन त्रियुगा नगरप्रमुख तथा नेकपा (एकीकृत समाजबादी)का पोलिटव्युरो सदस्य बलदेव चौधरीले गरे । उपप्रमुख देवीकुमारी चौधरी, १३ नं. वडाध्यक्ष पशुपति चौधरीलगायत जनप्रतिनिधिको सहभागिता रहेको महोत्सवको अवसरमा बुधबार राति अवेरसम्म चर्चित गायकगायिकाले आप्mनो प्रस्तुति दिएका थिए ।
फोटो फिचर
