३
२0७८ भाद्र २९ मंगलवार
उदयपुर
नेत्रबिक्रम चन्द नेतृत्वको नेपाल कम्युनिष्ट पार्टी (नेकपा) ले अमेरिकन सहयोग मिल्लेनियम च्यालेन्ज कर्पोरेशन (एमसीसी) खारेज गर्न माग गर्दै गाईघाटमा सोमबार बिरोध प्रदर्शन गरेको छ । युवा, विद्यार्थी, महिला र पार्टी नेता कार्यकर्तासहित निस्केको र्याली बजार परिक्रमापछि लोकतान्त्रिक चोकमा पुगेर कोणसभामा परिणत भएको थियो ।
कोणसभामा पार्टी जिल्ला इन्चार्ज बिबेक कुमाल, जिल्ला सेक्रेटरी लक्ष्मण पौड्याल, कटारी नगर इन्चार्ज अमृत खत्रीलगायतले एमसीसी खारेज गर्न माग गर्दै अन्यथा सशक्त आन्दोलन गर्न पार्टी बाध्य हुने चेतावनी दिएका थिए । एमसीसी नेपाली जनता, देश र भविष्यका लागि अन्धकार युगको सुरुङ भएको भन्दै नेताहरुले कुनै पनि हालतमा लागू गर्न नहुने अडान वक्ताहरुल्े लिएका थिए ।
नेताहरुले संसदीय व्यवस्था नेपालमा असफल भईसकेकाले अव त्यसको बिकल्पमा वैज्ञानिक समाजबादी व्यवस्थाको स्थापना गर्नुपर्ने अडान पार्टीले लिएको भन्दै त्यसका लागि सम्पूर्ण जनता एकजुट भएर अघि बढ्नुपर्ने अवस्था आएको बताए । ००७ सालको क्रान्ति, ०४६ सालको पञ्चायनविरोधी आन्दोलन र १० वर्षे जनयुद्धपछिको ०६३ को राज्य व्यवस्था परिवर्तन भए पनि जनताको हैसियत परिवर्तन नभएको उनीहरुको ठहर थियो ।
३ वटा महमान् क्रान्तिले ल्याएको परिवर्तनबाट पनि संसदीय राजनीति नै अवलम्बन गरिएको भन्दै नेताहरुले तर, त्यसबाट जनताको स्तर यथावत रहेको बरु नेताहरु र निश्चित धनी बर्गको मात्र कायापलट भएको भन्दै त्यसले जनतामा तात्विक परिवर्तन नआउने हुनाले अव वैज्ञानिक समाजबादी व्यवस्था नै अन्तिम विकल्प रहेको उनीहरुको ठोकुवा थियो ।
बिप्ल नेतृत्वको नेकपाले उदयपुरसँगै देशव्यापी रुपमा एमसीसी विरुद्ध आन्दोलन सञ्चालन गरेको जनाएको छ । केहीदिनअघि मात्र नेकपाले एमसीसीको सम्झौतापत्र जलाएर सांकेतिक विरोध गरेको थियो ।
