३
२0७८ भाद्र २३ बुधबार
रामपुर, भदौ २२
नेकपा (माओबादी केन्द्र)निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु क्रान्तिकारी) को बेलका प्रथम नगरस्तरीय सम्मेलन मंगलबार सम्पन्न भएको छ । सम्मेलनले सञ्जिव लुईटेलको अध्यक्षतामा २७ सदस्यीय नयाँ कमिटी गठन गरेको छ ।
अखिल क्रान्तिकारीका केन्द्रीय सदस्य भरत घिमिरेको प्रमुख आथित्य तथा अर्का केन्द्रीय सदस्य प्रदिप बास्कोटोलगायत पार्टी नेताहरुको उपस्थिति रहेको सम्मेलनले गठन गरेको कमिटीका उपाध्यक्षमा सन्देश तामाङ र राजन दाहाल, सचिव नारायण फुयाल, सहसचिवमा यशोदा विक र अर्जुन निरौलता तथा कोषाध्यक्ष सीता आचार्य चयन भएका छन् ।
कार्यक्रममा नेकपा माओबादी केन्द्रका बेलका नगर कमिटी अध्यक्ष मनोज तामाङ, रमण भट्टराईलगायतको पनि उपस्थिति थियो । सम्मेलन सफलताको मन्तव्य दिदै नेताहरुले पार्टीलाई आउँदो चुनावमा १ नं. को दल बनाउन विद्यार्थी संगठनलाई तिब्र बनाउनुपर्नेमा जोड दिएका थिए । नेताहरुले वैज्ञानिक र जनवादी शिक्षामा जोड दिन तथा शैक्षिक अधिकारका लागि अखिल क्रान्तिकारी देशव्यापी अभियानमा लाग्नुपर्ने बताएका थिए ।
