३
२0७८ भाद्र १४ सोमबार
उदयपुर, भदौ १४
नेकपा (माओबादी केन्द्र) निकट अखिल नेपाल राष्ट्रिय स्वतन्त्र विद्यार्थी युनियन (अखिल क्रान्तिकारी)को त्रियुगा नगर कमिटी सोमबार गठन भएको छ । सदरमुकाम गाईघाटमा आयोजित एक भेलाले सुबास बस्नेतको अध्यक्षतामा ३५ सदस्यीय नयाँ कमिटी गठन भएको हो ।
कमिटीको उपाध्यक्षमा सविना कार्की र विदुरजङ खड्का चयन भएका छन् भने सचिवमा प्रशान्त रायमाझी छानिएका छन् । त्यसैगरी सहसचिवमा विशाल दाहाल र कन्चन परियारलाई छनौट गरेको भेलाले कोषाध्यक्षमा सुजन राईलाई चयन गरेको छ । नवगठित कमिटीमा १३ जना महिला समेटिएको अखिल क्रान्तिकारी उदयपुरका अध्यक्ष बिमल कार्कीले बताए ।
अखिल केन्द्रीय सदस्य भरत घिमिरेको उपस्थितिमा भएको भेलामा माओबादी केन्द्रका साविक जिल्ला सचिवालय सदस्य किरण राई, त्रियुगा नगर कमिटी सचिव गीता खड्का (अजिता)लागयत नेताहरुको पनि सहभागिता थियो । कार्यक्रममा नेताहरुले माओबादी केन्द्रलाई सशक्त बनाउँदै देशका् मूलधारको पार्टीमा परिणत गर्न आव्हान गरेका थिए ।
पार्टीलाई जनस्तरसम्म फैलाउँदै राज्य सञ्चालनको जिम्मेबारीमा पुर्याएर १० वर्षे जनयुद्धले उठान गरेको मुद्धाहरुको कार्यान्वयन गराउनुपर्नेमा नेताहरुको जोड थियो । पार्टीलाई अगाडि बढाउनका लागि भ्रातृ तथा भगिनी संगठनहरुको महत्वपूर्ण भूमिका हुने भन्दै नेताहरुले त्यसमध्ये विद्यार्थी संगठन अपरिहार्य भएको बताए । विद्यार्थी, युवा, महिला, मजदुरलगायत सम्पूर्ण जनबर्गीय संगठनहरुलाई चलायमान बनाउँदै नेताहरुले माओबादीलाई गाउँ, टोल र बस्तीबस्तीसम्म फैलाउने अभियानमा लाग्न निर्देशन पनि दिएका थिए ।
