३
२0७८ श्रावण १९ मंगलवार
उदयपुर, साउन १९
कर्मचारीमा कोविड संक्रमण देखिएपछि त्रियुगा नगरपालिका मंगलबार बन्द भएसँगै मालपोत कार्यालय पनि कर्मचारी संक्रममित देखिएपछि सातादिनलाई बन्द भएको छ । त्रियुगामा ३ कर्मचारीमा संक्रमण देखिएको छ भने मंगलबार एकदिनका लागि नगरपालिका बन्द भएको छ ।
त्रियुगामा मंगलबार पनि थप २ कर्मचारीमा संक्रमण पाइएको छ । एक अधिकृतस्तरका पुरुष र एक सहायकस्तरका महिलामा संक्रमण पाइएको नगरपालिकाका स्वास्थ्य शाखा सहसंयोजक अवधनारायण चौधरीले बताएका छन् ।
उता मंगलबारै एक कर्मचारीमा संक्रमण पाइएपछि मालपोत कार्यालय गाईघाट सातादिनका लागि बन्द गरिएको हो । मंगलबार एक कर्मचारी संक्रमित पाइएप्छि सूचना जारी गर्दै आउँदो २५ गतेसम्म मालपोत कार्यालय बन्द रहने जानकारी दिइएको छ ।
मालपोतका एक कर्मचारी संक्रमित भेटिएपछि थप कर्मचारी र सेवाग्राहीमा संक्रमण हुने खतराबाट बँच्न जिल्ला प्रशासन कार्यालय उदयपुरको पत्रानुसार सातादिनलाई मालपोत कार्यालयका सम्पूर्ण कामकाज रोक्नुपरेको सूचनामा जनाइएको छ । आन्तरिक र अत्यावश्यक काम भने सुरक्षा सतर्कता अपनाएर निरन्तर सञ्चालन गर्ने सूचनामा उल्लेख छ ।
