३
२0७८ असार २४ बिहीबार
उदयपुर, असार २४
उदयपुरको पहाडी गाउँपालिका ताप्लीमा बोलेरो दुर्घटनामा परी एक जनाको ज्यान गएको छ । कटारीदेखि ढुवानीको सामान लिएर जाँदै गरेको प्र २–०१–००१ च ००५० नंबरको बोलेरो जीप ताप्ली गाँपालिका ५ दुधेको भित्रि सडकमा दुर्घटना हुँदा ताप्ली ५ का २५ वर्षीय रमेश नेपालीको ज्यान गएको हो ।
बिहीबार विहान २ः०० बजेको झिसमिसे उज्यालोमा वर्षाले हिलाम्य उकालो सडकमा चिप्लिएर जीपबाट ओर्लेका नेपालीलाई पछाडिको पांग्राले कम्मरमुनि किच्दा गम्भीर घाईते भएका थिए । घाईते परियारलाई तत्काल उद्धार गरी उपचारार्थ कटारी अस्पताल पठाइएकोमा उपचार हुँदाहुँदै विहान ७ः३० बजे ज्यान गएको इलाका प्रहरी कार्यालय कटारीले जनाएको छ ।
मृतकको शव कटारीमै पोष्टमार्टम भईरहेको छ भने जीप घट्नास्थलमै छाडेर चालक फरार भएकाले उनको खोजी भईरहेको इप्रकालाई उद्धृत गर्दै जिल्ला प्रहरी कार्यालयले जनाएको छ ।
