३
२0७८ असार १७ बिहीबार
उदयपुर, असार १७
गाउँ पसेको जंगली हात्ती धपाउन खोज्दा गए राति एक स्थानीयको ज्यान गएको छ । राति साढे १० बजे गाउँ पसेको हात्ती धपाउन खोज्दा आक्रमणमा परी बेलका नगरपालिका २ रामनगरका ४० वर्षीय कमल यादवको ज्यान गएको हो ।
राति अचानक गाउँ पसेको जंगली हात्ती धपाउने क्रममा आक्रमणमा परी गम्भीर घाईते भएका यादवको राति १०ः४५ बजे घट्नास्थलमै ज्यान गएको प्रहरी चौकी भागलपुरलाई उद्धृतग गर्दै जिल्ला प्रहरी कार्यालय उदयपुरले जनाएको छ ।
घट्नाबारे बुझ्न भागल प्रहरी चौकीका असईको कमाण्डमा राति नै टोली पठाइएको छ । थप अनुसन्धानका लागि इलाका प्रहरी कार्यालय रामपुरबाट पनि निरीक्षक कमाण्डको टोली बिहीबार विहान घट्नास्थलतर्फ गएको जिल्ला प्रहरीले जनाएको छ ।
